Пабло Пикассо

Па́бло Дие́го Хосе́ Франси́ско де Па́ула Хуа́н Непомусе́но Мари́я де лос Реме́диос Сиприа́но де ла Санти́сима Тринида́д Ма́ртир Патри́сио Руи́с тата Пика́ссо, (исп. Pablo Diego José Francisco de Paula Juan Nepomuceno María de los Remedios Cipriano de la Santísima Trinidad Mártir Patricio Ruiz y Picasso; 25 юпа 1881, Малага, Испани — 5 ака 1973, Мужен, Франци) — испани ÿнерçи, скульпторĕ, ÿкерÿçи, театр капăрлатаканĕ, тăм ӳнерçи тата дизайн ăсти.

Пабло Пикассо
Pablo Picasso
Пабло Пикассо, 1962
Çуралнă чухнехи ят:	Пабло Диего Хосе Франсиско де Паула Хуан Непомусено Мария де лос Ремедиос Сиприано де ла Сантисима Тринидад Мартир Патрисио Руис тата Пикассо
Çуралнă вăхăт:	1881 çулхи юпа, 25
Çуралнă вырăн:	Малага,Испани
Вилнĕ вăхăт:	1973 çулхи ака, 5
Вилнĕ вырăн:	Мужен, Франци
Гражданлăх:	Испани Испани
Жанр:	сăрă ӳнерçи тата ÿкерÿçĕ, тăм ӳнерçи, скульптор тата дизайн ăсти
Вĕренӳ:	Король илемлĕ ÿнер аслă вĕрентĕшĕ Сан-Фернандо (Мадрид хулинче пĕр çул хушши)
Стиль:	кубизм, сюрреализм, постимпрессионизм
Паллă ĕçсем:	Авиньон хĕрĕсем, Герника, Чăмăр çинчи хĕрача, Çара ӳтлĕ хăрарăм
Парнесем:	Халăхсен хушшинчи Ленин парни «Халăхсен хушшинчи тăнăçлăха çирĕплетнĕшĕн» — 1962
Сайт:	picasso.fr/us/picasso_page_index.php
Викиампарти ĕçсем

Aлпусни

Пабло Пикассо, 1953

Кубизм юхăмне (Жорж Брак тата Хуан Гриспа пĕрле) никĕслекен, ку вăл виçĕ виçеллĕ япалана хăйне май мĕлпе лаптаксене пĕрле çыхăнтарса ÿкерни пулнă. Пикассо ÿкерÿçĕ пулса та нумай ĕçленĕ, скульптор, тăм ӳнерçи т. ыт.те пулнă. Шутсăр нумай ÿнерçĕ унăн мелĕпе усă курнă тата вăл XX ĕмĕрти ÿнер аталану çине вăйлă та пĕлтерĕшлĕ витĕм хунă. Нью-Йоркри паянкун ÿнер музейĕ каланă тăрах, Пикассо хăй пурнăçĕнче 20 пине яхăн ĕç хайланă.

Пурнăçĕпе ĕçĕ-хĕлĕ

Пикассо мĕн ачаран ÿкерме пуçланă, пĕрремĕш ÿнерÿ ăсталăхне вăл ашшăнчен — ÿкерÿ вĕрентекен Хосе Руиса Бласкоран илнĕ, кĕçех ку ĕçре пысăк ăнăçусем тунă. 8 çулта вăл çу сăррисемпе «Пикадор» ятлă хăйĕн пĕрремĕш ĕçне ÿнернĕ, унпа вăл хăйĕн пурнăçĕнче нихăçан та уйрăлман.

1891-мĕш çулта дон Хосе Ла-Коруньере ÿкерÿ вĕрентекенĕн ĕç вырăнне илет, вара çамрăк Пабло çемьипе пĕрле çурçĕр Испанине пурăнма куçать, кунта вăл илемлĕ ÿнер шкулĕнче вĕренет (1894—1895).

Кĕçех çемье Барселона хулине куçать, 1895-мĕш çулта Пикассо Ла-Лонха илемлĕ ÿнер шкулне вĕренме кĕрет. Пабло вунтăваттăра çех пулнă, çавăнпа та Ла-Лонхара вĕренме вăл ытла та çамрăк пулнă. Апла пулин те ашшĕ çине тăнипе ăна экзамен конкурс тăрăх тытма ирĕк панă. Пикассо пур экзаменсене те питĕ лайăх тытса Ла-Лонхана вĕренме кĕрет. Малтанах вăл ашшĕ ячĕпе Ruiz Blasco тесе ал пуснă, анчах та каярах амăшĕн хушаматне илсе Picasso тесе çырнă.

Курав речĕ

• 
  "Çерем çинчи ирхи апат", Паянкун музейĕ, Стокгольм, Швеци
• 
  "Sylvette" скульптура хайлавĕ, Роттердам, Нидерландсем
• 
  Далей Плазари скульптура хайлавĕ, Чикаго, АПШ
• 
  "Хĕрарăм пуçĕ", Хальмстад, Швеци

Вуламалли

• Костеневич А. «Дриада». Генезис и смысл картины Пикассо 2018 ҫулхи Ака уйӑхӗн 5-мӗшӗнче архивланӑ. // Вестник истории, литературы, искусства. Отд-ние ист.-филол. наук РАН. М.: Собрание; Наука. Т. 1. 2005. C. 118—131.
• Пабло Пикассо. Стихотворения. М., Текст, 2008.
• Марина Пикассо. Дедушка: воспоминания. М., Текст, 2006.
• Надеждин Н. Я. Пабло Пикассо: «Пламя Герники»: Биографические рассказы. — 2-е изд. — М.: Майор, Осипенко, 2011. — 192 с. — (Серия «Неформальные биографии»). — 2000 экз. — ISBN 978-5-98551-171-0
• Герман М. Ю. «Пикассо. Путь к триумфу» 2014 ҫулхи Нарӑс уйӑхӗн 1-мӗшӗнче архивланӑ. // М.: Искусство- 21 век. 2013

Каçăсем

• Пабло Пикассо DMOZ-ра(акăлч.)
• www.picasso.fr — официаллă сайт Picasso Adminstration(фр.)
• fundacionpicasso.malaga.eu — официаллă сайт Picasso Foundation(исп.)