Прокопьев Олег Николаевич

Прокопьев Олег Николаевич (30.12.1963, Ишпарайккă ялĕ, Элĕк районĕ, Чăваш Ен — 30.4.1984, Афганистан) — пĕрремĕш батальонри 2 мотоперевçĕсен ротин аслă сержанчĕ.

Прокопьев Олег Николаевич
Çуралнă вăхăт	1963, раштав, 30
Çуралнă вырăн	Ишпарайккă ялĕ, Элĕк районĕ, Чăваш Ен
Вилнĕ вăхăт	1984, ака, 30
Вилнĕ вырăн	Хасар айлăмĕ, Афганистан
Гражданлăх	ССРП

Биографи

1963 çулхи раштав уйăхĕ 30-мĕшĕнче Чăваш Енĕн Элĕк районĕнчи Ишпарайккă ялĕнче çуралнă. 1984 çулхи ака уйăхĕн 30-мĕшĕнче Афганистанра паттăррăн пуçне хунă. 1985 çулхи юпа уйăхĕн 25-мĕшĕнче, вилнĕ хыççăн, ССРП Аслă Канаш Президиумĕн хушăвĕпе Олег Николаевич Прокопьева Хĕрлĕ Çăлтăр (3764291-мĕш №-лĕ орден) орденĕпе тивĕçтернĕ.

Унпа пĕрле ҫак ҫапӑҫура паттăрла вилнĕ чӑваш каччисем: Михайлов Владимир Иванович (Канаш районӗ, ^[1]) , Игорь Титович Гаврилов (Комсомол районӗ, ^[2]), Улядаров Виктор Петрович (Пушкăрт Республикин Федоровка районĕнче, ^[3]). Йывӑр аманнӑ чӑваш ст.л-т Жарников Фёдор Фёдорович (Новосибирск хуларан, ^[4]). Тата тепӗр паллӑ мар чӑваш салтакӗ те пур.

Ҫапӑҫура пурӗпе 90 яхӑн салтакпа офицер пуçне хунă, ҫӗртен ытла аманнӑ. Ку Афган вăрçин историнче чи юнлӑ ҫапӑҫу пулнă.