Пярнумаа

Пярнумаа — ҫӗршывӑн кӑнтӑр-анӑҫ пайӗнче, Рига кӳлмекӗн ҫыранӗнче вырнаҫнӑ чи пысӑк Эстони уесӗ. Ҫурҫӗрте Ляэнемаа тата Рапламаа уесемпе, тухӑҫра Ярвамаа тата Вильяндимаа уессемпе чикӗленсе тӑрать. Администраци центрӗ — Пярну хула. Уес шутне 1 хула-муниципалитет тата 6 вулӑс кӗрет.

Географи

Территорин ҫуррине яхӑн вӑрман йышӑнать. Пярну юханшыв юхса иртет. Уес шутне Кихну тата Манилайд утравсем кӗреҫҫӗ. Соомаа наци паркӗн пӗр пайӗ кунта вырнаҫнӑ, ҫавӑн пекех Нигула заповедникӗ пур.

Пярнумаа уесӗн лаптӑкӗ — 5418,85 км².

Халӑх йышӗ

Пярнумаа уесӗнче пурӑнакансен шучӗ статистика департаменчӗ пӗлтернӗ тӑрӑх (кашни ҫулхи кӑрлачӑн 1-мӗшӗ тӗлне):

2018	2019	2020	2021	2022	2023
85 756	↗ 85 938	↗ 86 185	↘ 85 760	↘85 705	↗ 87 418

Административлӑ-территориллӗ пайланӑвӗ

Уес шутне 1 хула-муниципалитет тата 6 вулӑс кӗрет:

Хӑй тытӑмлӑ хула:

• Пярну муниципалитечӗ

Вулӑссем:

• Кихну
• Ляэнеранна
• Пыхья-Пярнумаа
• Саарде
• Тори
• Хяэдемеэсте

2018 ҫулхи кӑрлачӑн 1-мӗшӗнче уес управисене тата ҫавӑн пекех Эстонири уес старейшинисен должноҫӗсене пӑрахӑҫланӑ. Вӗсен тивӗҫӗсене патшалӑх учрежденийӗсемпе вырӑнти хӑй тытӑмлӑхсем туса пыраҫҫӗ.

2017 ҫулхи администрациллӗ-территориллӗ реформӑччен уес шутне 19 хӑй тытӑмлӑх кӗнӗ: 2 хула муниципалитечӗ, 15 вулӑс тата 1 поселок вулӑсӗ.

Хула муниципалитечӗсем:

• Пярну
• Синди

Вулӑссем:

• Аре
• Аудру
• Варбла
• Вяндра (вулӑс)
• Кихну
• Коонга
• Пайкусе
• Саарде
• Сауга
• Сурью
• Тахкуранна
• Тоотси
• Тори
• Тыстамаа
• Халинга
• Хяэдемеэсте

Поселок вулӑсӗ:

Вяндра

Истори

Уес территоринче Эстонире авалхи ҫын каннӑ вырӑна (чул ӗмӗрӗ) тупнӑ.

Туризм

Уесра ют ҫӗршыв турисчӗсем канма юратаҫҫӗ.