Тĕкĕр

Тĕкĕр е Куçкĕски — çутăна (е урăх пайăркана) каялла тавăракан яка çий. Чи паллă тĕслĕх — лаптак тĕкĕр.

Ку терминăн урăх пĕлтерĕшсем пур, Тĕкĕр (пĕлтерĕшсем) пăхăр.

Тĕкĕр çинче курăнакан ваза

Истори

Археологсем Бронза эпохинче тăхланран, ылтăнран е платинăран тунă пĕрремĕш пĕчĕк тĕкĕрсене шыраса тупнă.

Хальхи тĕкĕрсен историне XIII ĕмĕртенпе, тĕрĕсрех — 1240 çултанпа çырса пынă, ун чухне Европăра кантăк савăт-сапана вĕрсе тума вĕреннĕ. Кантăкран хатĕрленĕ чăн ăслайне 1279 çултанпа пуçлаççĕ, çавăн чухне итальян монахĕ -францискан Джон Пекам кантăка çӳхе тăхлан сийĕпе витмелли меле çырса панă.