Чăваш Википедийĕ

Чăваш Википедийĕ — Википедин чăваш чĕлхиллĕ уйрăмĕ. 2004 çулхи чӳкĕн 22-мĕшĕнче уçăлнă. 2025 çулхи пушăн 2-мĕшĕ тĕлне 57 465 статьяна кĕртнĕ.

Чăваш Википедийĕ
URL:	cv.wikipedia.org
Проект пахалăхĕ:	Ыркăмăллă
Сайт тĕсĕ:	Эрешлĕ энциклопеди
Регистраци:	Кирлех мар
Чĕлхе:	чӑвашла
Харпăрçă:	Фонд Викимедиа
Ĕçе пуçланă:	22 Чӳк уйӑхӗн 2004
Статья шучĕ:	57 828
Страница шучĕ:	119 815
Тӳрлетӳ шучĕ:	858 201
Регистрланă хутшăнакан:	37 880
Хастар хутшăнакан:	46
Администраторсем:	2
Тарăнăш:	8,2
Номер, статья шучĕпе	102
Чăваш Википедийĕ Викиампарта

Чăваш уйрăмне Вырăс уйрăмĕнчен чылай статьяна, аврине (шаблона) куçараççĕ.

Кун-çулĕ

Тĕп статья: Википеди:Пирĕн уйрăмăн кун-çулĕ

2004 çулта Kostik Vento хутшăнакан Викимедиа Фондне чăваш уйрăмне уçас тесе ыйтса çыру ярать.

2004 çулхи чӳкĕн 22-мĕшĕнче Untifler (Илья Евлампиев) хутшăнакан (вăлах тутарпа пушкăрт уйрăмсене никĕсленĕ) Чăваш чĕлхи статьяна Википедине çырса кĕртнĕ.

2006 çулхи пуш уйăхĕн 9-мĕшĕнче пирĕн уйрăм 2000-мĕш статьяпа — Тутарстанăн Çĕпрел районĕ — тулать! Çав çулхи çурлан 22-мĕшĕнче Чăваш Википединче 4000 ытла статья^[1].

2007 çулхи кăрлач уйăхĕнче Чăваш уйрăмĕ 5000 статья шайĕнчен иртсе каять. Çав çултах авăнăн 13-мĕшĕ тĕлне Википедине 6000 ытла статья кĕрет^[2][3]

2008 çулхи кăрлачăн 14-мĕшĕнче уйрăм 7000 статьяпа пуянланать!

2009 çулхи акан 6-мĕшĕнче ирĕклĕ чăваш энциклопединче 10 000 статьяна çитеть^[4].

Джимми Уэйлс Чăваш Википедийĕ пирки слайд кăтартать.

Википеди никĕслевçи Джимми Уэйлс пĕтĕм тĕнчери Фонд Викимедиа конференцинче (Викимани 2009) Чăваш Википедийĕ тĕслĕхĕпе Википеди проекчĕ çухалма тыттăннă чĕлхесене пулăшу кӳни пирки хыпарлать^[5].

• 2010 çулхи юпа уйăхĕнче пирĕн 11 600 ытла статья.
• 2011 çулхи çурлан 31-мĕшĕнче эпир 13 000 статьяран иртрĕмĕр.
• 2013 çулхи раштавăн 3-мĕшĕ тĕлне 20100 статья кĕртнĕ.
• 2014 çулхи çурлан 1-мĕшĕнче Вавилов Николай Иванович статья пирĕн уйрăма 30 пине çити хăпартрĕ.
• 2022 çулхи юпан 17-мĕшĕнче Шерлок Холмс тата Ватсон тухтăр темтепĕр курнисем: Агра капăр-пурлăхĕ статьяпа пирĕн уйрăм 50 пине çитрĕ.

Хатĕр-хĕтĕрлĕхĕ

Аппарат хатĕрлĕхĕ. Чăваш Википедийĕ, ыттисемпе пĕрле 990 сервертан тытăнса тăракан кластер çинче ĕçлет^[6].

Программа хатĕрĕ. MediaWiki движок ĕçлет. Тĕплĕнрех MediaWiki версийĕ пирки кунта çырнă.

Ăшĕнчи. Статьясен массивĕ (57 828), спецстраниц массивĕ.

Ашберн хулинче (Виргиния) вырнаçтарнă Викимедиа фондчĕн сервĕрĕсен пысăках мар пайĕ.

Вуламалли

• Байков В. Д., Байков Д. В., Крылова Е. В. Википедия и YouTube для всех. — Мускав, ДМК Пресс, 2013. — 240 с. — ISBN 978-5-94074-874-8.