![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/0b/Ceres_of_M%25C3%25A9rida_%2528cropped%2529.jpg/640px-Ceres_of_M%25C3%25A9rida_%2528cropped%2529.jpg&w=640&q=50)
Ceres (duwies)
From Wikipedia, the free encyclopedia
Duwies amaethyddiaeth yn y Rhufain hynafol oedd Ceres, y ffurf Rufeinig ar y dduwies Roegaidd Demeter. Mae'n bosibl y bu Ceres yn un o dduwiesau brodorol yr Eidal yn wreiddiol, ond daw i'r amlwg yn hanes Rhufain yn 496 CC pan gyflwynwyd addoliaeth Demeter, Persephone (Lladin: Proserpina) a Dionysus (Lladin: Bacchus) adeg sychder mawer ar orchymyn offeiriaid y Sibyl.
![]() | |
Enghraifft o'r canlynol | duwdod Rhufeinig, duwdod amaethyddol, duwies ![]() |
---|---|
Rhan o | Aventine Triad, Dii Consentes ![]() |
![]() |
Fel cwlt swyddogol roedd addoliad Ceres yn dilyn y patrwm Groeg yn llwyr. Roedd y Rhufeiniaid yn arfer dathlu gemau'r Cerealia ar ddechrau mis Ebrill. Roedd yna ddathliad arall ym mis Awst: byddai'r merched yn ymprydio am naw diwrnod ac wedyn yn cyflwyno offrymau blaenffrwyth y tymor i Ceres, gan wisgo coronau o ŷd.
Pobl gyffredin oedd ei haddolwyr, yn bennaf, yn enwedig yn yr ardaloedd gwledig. Yno y ceir y dystiolaeth gryfaf am y dduwies Eidalaidd hynafol ei hun. Arferai'r werin bobl offrymu hwch (porca praecadanaea) i Ceres cyn gychwyn ar y gwaith o gael y cynhaeaf i mewn ac yn cyflwyno'r blaenffrwyth ŷd i deml y dduwies.
![Thumb image](http://upload.wikimedia.org/wikipedia/commons/thumb/a/ad/Aachen%2C_Hans_von_-_Bacchus%2C_Ceres_und_Amor_-_c._1600.jpg/320px-Aachen%2C_Hans_von_-_Bacchus%2C_Ceres_und_Amor_-_c._1600.jpg)
![Thumb image](http://upload.wikimedia.org/wikipedia/commons/thumb/9/96/Saccaggi_Ave_Natura.jpg/640px-Saccaggi_Ave_Natura.jpg)