Athena
From Wikipedia, the free encyclopedia
Remove ads
Athena, neu Pallas Athena (Hen Roeg: Ἀθηνᾶ), oedd duwies rhyfel a doethineb ym mytholeg y Groegiaid a nawdd-dduwies dinas Athen. Mae hi'n cyfateb i'r dduwies Rufeinig Minerva.
Cafodd ei geni o ben Zews yn llawn arfog ac yn dwyn gwaywffon javelin yn ei llaw. Hi oedd hoff blentyn Zews.
Yn ystod Rhyfel Caerdroea rhoddai Athena gymorth i'r Groegiaid yn erbyn gwŷr Caerdroea. Rhoddodd gymorth yn ogystal i'r arwr Heracles yn ei lafuroedd a thywysodd Perseus i wlad y Gorgoniaid. Diolch i nawdd ac amddiffyn y dduwies y cyrhaeddodd Odysseus ei gartref yn ddiogel, yn ôl Odyseia Homeros.
Roedd Athena yn dduwies wyryfol ac yn ddiwyd iawn. Roedd hi'n medru bod yn genfigennus, fel pan gollodd ornest yn erbyn Arachne o Lydia. Yn amser heddwch byddai'n troi ei nawdd at y celfyddydau a diwydiant, yn arbennig gwaith domestig.
Enwir dinas Athen ar ei hôl hi; roedd y Parthenon yn gysegredig iddi fel duwies y ddinas. Fe'i huniaethir â'r dduwies Rufeinig Minerva.
Remove ads
Gweler hefyd
- 2 Pallas, asteroid a enwir ar ôl Pallas Athena.
Dolenni allanol
- (Saesneg) (Carlos Parada) Albwm o luniau o Athena
- (Saesneg) Roy George, "Athena: The sculptures of the goddess"
- (Saesneg) Theoi.com Dyfyniadau o destunau Clasurol am Athena
- (Saesneg) Gwreiddiau Athena yng ngwareiddiad Minoa, gan Virginia Hicks Archifwyd 2007-03-14 yn y Peiriant Wayback
Wikiwand - on
Seamless Wikipedia browsing. On steroids.
Remove ads