Echtrae

Term traddodiadol yn llenyddiaeth Iwerddon sy'n golygu 'taith (antur)' neu 'antur' yw echtrae (Gwyddeleg, ynganer echtre) neu echtra. Yn y rhestrau traddodiadol o'r chwedlau Gwyddelig mae'n cyfeirio at deithiau arwyr i barthau diarth a rhyfeddol sy'n gorwedd y tu hwnt i fyd dynoliaeth.

Mae'r echtrai yn ffurfio dosbarth arbennig o chwedlau sy'n gyffelyb eu naws i ddosbarth yr immramau. Y brif wahaniaeth rhyngddynt yw bod yr imrammai yn canolbwyntio ar y daith (mordaith fel rheol) tra bod yr echtrai yn disgrifio anturiaethau'r arwr neu'r arwyr yn yr Arallfyd.

Rhai echtrae

• Echtrae Chonnlai ('Taith Antur Conla'), rhan o'r Cylch Hanesyddol.
• Echtrae Cormaic i Tir Tairngiri ('Taith Antur Cormac yn Nhir Addewid')
• Echtrae Nerai ('Taith Antur Neri'), un o ragchwedlau (remscéla) y Táin Bó Cuailgne sy'n dyddio i'r 10fed/11g efallai.