Rygbi Caerdydd

Tîm rygbi sy'n chwarae yn y Gynghrair Geltaidd, y Pencampwriaeth Rygbi Unedig (a'r Cwpan Eingl-Gymreig gynt) yw Rygbi Caerdydd. Hyd at 2021, enw'r tîm oedd Gleision Caerdydd.^[6]

Rygbi Caerdydd

Undeb	Undeb Rygbi Cymru
Llysenw/au	Blue and Blacks Gleision
Sefydlwyd	2003; 22 mlynedd yn ôl (2003) fel Gleision Caerdydd 2021; 4 blynedd yn ôl (2021) fel Rygbi Caerdydd
Lleoliad	Caerdydd, Cymru
Maes/ydd	Parc yr Arfau (Nifer fwyaf: 12,125)
Cadeirydd	Alun Jones[1]
Prif W.	Richard Holland[1]
Llywydd	Peter Thomas CBE[1]
Cyfarwyddwr Rygbi	Matt Sherratt[2]
Capten	Josh Turnbull
Mwyaf o gapiau	Taufa'ao Filise (255) [3]
Sgôr mwyaf	Ben Blair (1078) [4]
Mwyaf o geisiadau	Tom James (60) [5]
Cynghrair/au	Pencampwriaeth Rygbi Unedig
2021–22	3ydd, Tarian Cymru (14eg ar y cyfan)
Lliwiau cartref
Gwefan swyddogol
cardiffrugby.wales

Rhanbarthau Rygbi Cymru

Rygbi Caerdydd

Caerdydd

Y Scarlets

Llanelli

Y Gweilch

Abertawe

Castell-

Nedd

Y Dreigiau

Casnewydd

Hanes y Rhanbarth

Mae Rygbi Caerdydd yn un o'r bum rhanbarth gwreddiol yn hanes rygbi rhanbarthol Cymru. Nhw hefyd oedd un o'r ddau ranbarth nad oedd rhaid iddynt uno â chlwb arall pan ddaeth y rhanbarthau i fodolaeth yng Nghymru ym myd rygbi'r undeb.

Yn 2003, penderfynodd Undeb Rygbi Cymru newid lefel uchaf rygbi Cymru o naw clwb i bum rhanbarth, yn dilyn llwyddiant system debyg yn Iwerddon, Seland Newydd, Awstralia a De Affrica. Roedd hwn yn benderfyniad dadleuol ar y pryd, ac roedd llawer o'r cefnogwyr yn gwrthwynebu'r newidiadau. Gleision Caerdydd oedd y rhanbarth gyntaf i benderfynu ar enw. Lansiwyd y rhanbarth ar 6 Mehefin 2003 yng Ngwesty'r Hilton, Caerdydd. Gorffenodd y Gleision yn y 6^ed safle yn y Gynghrair Geltaidd yn eu tymor cyntaf - y rhanbarth o Gymru a wnaeth waethaf.

Yn wreiddiol, dim ond dinas Caerdydd a Bro Morgannwg roedd y Gleision yn ei gynrychioli. Pan ddaeth rhanbarth y Rhyfelwyr Celtaidd i ben yn 2004 ar ôl un tymor, ehangwyd dalgylch y Gleision i gynrychioli Morgannwg gyfan a rhan o Bowys.

Ar ddechrau trydydd tymor y Gleision, nid oedd pethau'n ymddangos fel petaen nhw'n gwella, gyda'r tîm yn methu cyrraedd ail rownd Cwpan Heineken. Yn ystod y tymor, ymunodd Jonah Lomu gyda'r Gleision, ac er nad oedd mor gyflym na mor gryf ag oedd pan fu'n chwarae yng Nghwpan y Byd, ddeg mlynedd yn ddiweddarach, daeth llawer o gefnogwyr i'w weld. Yn ystod ail hanner y tymor, dechreuodd y rhanbarth gael canlyniadau da yn y Gynghrair Geltaidd, a nhw oedd y rhanbarth gryfaf o Gymru pan orffennon nhw yn y 4ydd safle.

Cartref

Mae Rygbi Caerdydd yn chwarae ym Mharc yr Arfau yng Nghaerdydd, drws nesaf i Stadiwm y Mileniwm. Mae'r fynedfa i Barc yr Arfau ar Stryd Westgate.

Gweler hefyd

• Y Scarlets
• Y Gweilch
• Y Dreigiau
• Rhanbarthau rygbi Cymru