Nerva
ymerawdwr Rhufain Hynafol From Wikipedia, the free encyclopedia
Remove ads
Nerva Caesar Augustus neu Nerva (8 Tachwedd 30 OC – 27 Ionawr 98 OC) oedd Ymerawdwr Rhufain o 18 Medi 96 OC hyd ei farwolaeth. Ganwyd Marcus Cocceius Nerva.
Roedd Nerva yn aelod o deulu bonheddig o ddinas Narnia i'r gogledd o Rufain. Gwasanaethodd fel Conswl gyda Vespasian yn 71 OC a gyda Domitian yn 90 OC. Pan lofruddiwyd yr ymerawdwr Domitian yn 96 penodwyd Nerva yn ymerawdwr dan y Senedd, dan ddylanwad y blaid oedd wedi cynllwynio yn erbyn Domitian. Rhyddhaodd Nerva lawer o garcharorion Domitian, ac ysgafnhaodd y trethi. Roedd Nerva eisoes yn oedrannus a heb fab, felly dewisodd Trajan fel ei olynydd.
Nerva oedd y cyntaf o bedwar ymerawdwr oedd heb blant. Oherwydd hyn, dewisodd pob un ohonynt y person oedd yn ymddangos fel yr olynydd mwyaf addas, a'i fabwysiadu. Roedd y cyfnod yma yn oes aur i Rufain, gyda pob un o'r gwŷr a ddewiswyd yn llywodraethu'n dda ac yn gydwybodol. Roedd gan y pumed ymerawdwr yn y llinach yma, Marcus Aurelius, fab, a daeth yr oes aur i ben.
Penddelw o Nerva, Narni, Yr Eidal
Penddelw unigryw o Nerva o gasgliad preifat
| Rhagflaenydd: Domitian |
Ymerawdwr Rhufain 18 Medi 96 OC – 17 Ionawr 98 OC |
Olynydd: Trajan |
Remove ads
Wikiwand - on
Seamless Wikipedia browsing. On steroids.
Remove ads