Tennessee

Mae Tennessee yn dalaith yn ne canolbarth yr Unol Daleithiau, sy'n ymrannu'n Ddwyrain, Canolbarth a Gorllewin Tennessee. Yn Nwyrain Tennessee ceir ardal o fryniau coediog; mae Canolbarth Tennessee (Middle Tennessee), drofa ar Afon Tennessee, yn ardal o lwyfandir ucheldirol a bryniau, ac mae Gorllewin Tennessee yn ardal o gorsydd a thir isel sy'n gorwedd rhwng Afon Tennessee ac Afon Mississippi. Brwydrai Prydain Fawr a Ffrainc am feddiant o'r ardal yn yr 17g a daeth dan reolaeth Prydain. Cafodd ei datgan yn diriogaeth yn 1790 a daeth yn dalaith yn 1796. Cefnogodd y De yn Rhyfel Cartref America. Bu'n dyst i anghydfod sifil yn y 1960au; saethwyd Martin Luther King ym Memphis yn 1968. Nashville yw'r brifddinas.

Lleoliad Tennessee yn yr Unol Daleithiau

Tennessee

Arwyddair	Agriculture and Commerce
Math	taleithiau'r Unol Daleithiau
Enwyd ar ôl	Tanasi
En-us-Tennessee.ogg
Prifddinas	Nashville
Poblogaeth	6,910,840
Sefydlwyd	1 Mehefin 1796
Pennaeth llywodraeth	Bill Lee
Cylchfa amser	Cylchfa Amser y Dwyrain, Cylchfa Amser Canolog
Iaith/Ieithoedd   swyddogol	Saesneg
Daearyddiaeth
Rhan o'r canlynol	taleithiau cyfagos UDA
Sir	Unol Daleithiau America
Gwlad	Unol Daleithiau
Arwynebedd	109,247 km²
Uwch y môr	280 metr
Yn ffinio gyda	Arkansas, Missouri, Kentucky, Virginia, Gogledd Carolina, Georgia, Alabama, Mississippi
Cyfesurynnau	36°N 86°W
US-TN
Gwleidyddiaeth
Corff gweithredol	Government of Tennessee
Corff deddfwriaethol	Tennessee General Assembly
Swydd pennaeth   y Llywodraeth	Governor of Tennessee
Pennaeth y Llywodraeth	Bill Lee
Ffeiliau perthnasol ar Comin

Mewnfudo o Gymru

Yn dilyn y Rhyfel Cartref symudodd 104 teulu Cymraeg o Pennsylvania i Ddwyrain Tennessee - i ran o'r enw Mechanicsville, a rhan o ddinas Knoxville. Fe'u cyflogwyd gan y brodyr Joseph a David Richards (a John H. Jones)i weithio mewn ffatri metal. Roedd y brodyr wedi sefydlu Gwaith Haearn Knoxville gerllaw rheilffordd yr "L&N Railroad", ar safle a ddefnyddiwyd yn ddiweddarach fel safle ar gyfer "1982 World's Fair". Mae'r hen ffwndri, a ddefnyddir heddiw fel tŷ bwyta, yn dal i sefyll; yr unig ddarn.

Codwyd capel Cymraeg ganddynt, gyda'r Parchedig Thomas Thomas yn weinidog arnynt yn 1870. Gwerthwyd y capel yn 1899.

Daeth y gwladychwyr Cymreig hyn yn llwyddiannus iawn yn yr ardal gan sefydlu sawl busnes arall yn y ddinas, gan gynnwys y cwmni oedd yn gyfrifol am greu cerbydau rheilffordd, cwmni llechi (a thoi), cwmni marmor a sawl cwmni gwneud dodrefn. Erbyn 1930 roedd plant y teuluoedd wedi lledaenu drwy'r ddinas a siroedd eraill megis Swydd Sevier. Heddiw, mae dros 250 teulu'n olrhain eu hachau i'r mewnfudwyr cyntaf hynny ac maent yn parhau i ddathlu Dydd Gŵyl Dewi.

Dinasoedd Tennessee

1	Memphis	662,897
2	Nashville	626,681
3	Knoxville	178,874
4	Chattanooga	167,674
5	Clarksville	132,929
6	Soddy-Daisy	11,530

Dolenni allanol

• (Saesneg) www.tennessee.gov

• 
• 
• 

Eginyn erthygl sydd uchod am Tennessee. Gallwch helpu Wicipedia drwy ychwanegu ato.