Ysgol y Ferch o'r Sger

Ysgol gynradd Gymraeg yng Nghorneli, bwrdeisdref sirol Pen-y-bont ar Ogwr, yw Ysgol y Ferch o'r Sger, ar gyfer plant 3 i 11 oed. Enwir yr ysgol ar ôl Elizabeth Williams (Y Ferch o'r Sger) (c. 1747–1776), gwrthrych y gân adnabyddus Y Ferch o'r Sger.

Roedd 199 o blant yn yr ysgol yn 2005, gan gynnwys 35 o blant meithrin, roedd hyn yn gynnydd o 7% ers 2001. Daw 98% o'r plant o gartrefi lle mae'r Saesneg yn brif iaith ond mae pob disgybl dros 5 oed yn rhugl yn y Gymraeg.^[1]

Arwyddair yr ysgol yw Nid da lle gellir gwell.