From Wikipedia, the free encyclopedia
Friziske rěcy su kupka tśich pśiswójźbnych pódwjacornogermaniskich rěcow, kótarež nałožujo etniska kupka Frizow, kótarež su žywe na pśibrjoze Pódpołnocnego mórja na teritorijach Nižozemskeje, Nimskeje a Dańskeje. Friziske rěcy se maju za nejbližej pśiswójźbne engelšćiny.
Friziske rěcy su:
Saterfrizišćina jo pópšawem slědny zbytk pódzajtšnofriziskeje rěcy, kótaraž jo w Pódzajtšnej Friziskej južo dawno zaginuła. Rozšćěpjenje do tych tśich gałuzow jo južo w srjejźowěku nastało. Dokulaž tśi warianty friziskeje rěcy su wjelgin rozdźělne, powědaju rěcywědnicy skerjej wó kupce friziskich rěcow město jadneje friziskeje rěcy.
Mjazy pódwjacornogermaniskimi rěcami słuša frizišćina gromaźe z engelšćinu a dolnonimšćinu k pódkupce pódpołnocnomórskich germaniskich rěcow. Wósebnje z engelšćinu ma frizišćina wjele zgromadnosćow:
pódwjacornofriziskie | engelski | nižozemski | nimski | |
---|---|---|---|---|
dei | day | dag | Tag | Wuwiśe originalnego *g do /j/ na kóńcu złožki |
rein | rain | regen | Regen | |
wei | way | weg | Weg | |
neil | nail | nagel | Nagel | |
tsjerke | church | kerk | Kirche | Wuwiśe originalnego *k do /tʃ/ abo /ts/ pśed prědnymi wokalami |
tsiis | cheese | kaas | Käse | |
tsjef | chaff | kaf | Kaff |
Dalšna wósebnosć jo spadnjenje formow akuzatiwa a datiwa pódla pronomenow, pśir. friziski my, engelski me, dolnonimski. mi, ale (wusoko)nimski mich/mir, islandski mig/mér.
Pódwjacornogermaniske rěcy: | Afrikaanšćina - Engelšćina - Dolna nimšćina - Frizišćina - Jidišćina - Luxemburgšćina - Nimšćina - Nižozemšćina |
Pódpołnocnogermaniske rěcy: | Dańšćina - Färöšćina - Islandšćina - Norwegšćina - Šwedšćina |
Pódzajtšnogermaniske rěcy | Gotišćina† - Wandalšćina† |
† wumarłe |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.