Centralnoafrikańska republika

Centralnoafrikańska republika^[1] (sango Ködörösêse tî Bêafrîka, francojski République Centrafricaine) jo njewótwisny a rědko wobsedlony nutśikokrajny stat w srjejźnej Africe. Namaka se mjaz rěkoma Šari a Ubangi a granicujo z Čadom na pódpołnocy, ze Sudanom a Pódpołdnjowym Sudanom na pódzajtšu, z Demokratiskeju republiku Kongo a Republiku Kongo na pódpołdnju a z Kamerunom na pódwjacorje. Stolica jo Bangui pśi rěce Ubangi na pódpołdnju.

Centralnoafrikańska republika

wuzwólone gronko: Unité, Dignité, Travail (Jadnota, gódnosć, źěło)
zakładne daty:
mě swójske	Ködörösêse tî Bêafrîka République Centrafricaine
stolica	Bangui
płoń	622.984 km²
wobydlaŕstwo	5 166 510 (2013)
gustosć zasedlenja	8,3/km²
forma kněžaŕstwa	republika z prezidialnym kněžaŕstwom
głowny reprezentant stata:	prezident Faustin-Archange Touadéra
šef kněžaŕstwa:	premierminister Félix Moloua
pjenjeze:	1 CFA-franc BEAC
narodna hymna:	La Renaissance
casowa cona:	UTC +1
znamje za wósobowe awta:	RCA
nastaśe:	13. awgusta 1960 (njewótwisnosć wót Francojskeje)
internetowa domena:	.cf
telefonowe pśedwólenje:	+236
kórta:
p • d • w

Wódopad blisko města Boali na pódwjacorje kraja

Centralnoafrikańska republika jo jaden z nejmjenjej wuwitych krajow na swěśe.

W republice kněžy tropiska klima z krotkim dešćowym casom w pódpołnocnem źělu kraja a dłujkim w pódpołdnjowem źělu. Nejwuše městno Centralnoafrikańskeje republiki jo góra Mont Ngaoui (1.420 m) blisko kameruńskeje granicy.