Hanka Krawcec
From Wikipedia, the free encyclopedia
Remove ads
Hanka Krawcec, nimski Hannah Schneider (roź. 13. měrca 1901 w Drježdźanach, wum. 19. oktobra 1990 w Filipowje, Česka) - jo była górnoserbska wuměłska mólaŕka, grafikaŕka a ilustratorka. Wóna jo była znata ako prědna profesionelna serbska wuměłcowka.
Hanka jo była źowka serbskego komponista, Bjarnata Krawca. Wóna jo se kubłała ako grafikaŕka w Drježdźanach a w Praskej Wusokošuli wuměłskego rucnikaŕstwa. W lěśe 1921 jo sobuzałožyła Koło serbskich twórjecych wuměłcow. Wót 1928 až do kóńca drugeje swětoweje wójny jo wóna bydliła a źěłała ako grafikaŕka w Nimskej, a wót 1945 až do smjerśi w Českej. Tam jo w lětach 1947-1986 bydliła a źěłała w Warnoćicach,pón w Filipowje. Wót 1947 lěta jo wóna była sobuźěłaśeŕka Domowiny.
Hanka Krawcec jo wumrěła w českem Filipowje w 1990, jeje row jo w Warnoćicach.
Hanka jo źěłała grafiki, plakaty, wobraze, temperowe mólby, mólby na głažku, ilustracije, rězby, ex librise, logo a emblemy. Nejwuznamnjejša jeje twóŕba jo grafiski cyklus "Člověk by člověku světlem měl být" (1961–1975). W lěśe 1949 jo Hanka wuźěłała emblem Domowiny, kenž jo serbska lipa, běły bom z tśimi łopenjami na cerwjenej slězynje.
Jeje twóŕby su w zběrkach Českeje Narodneje Galerije a Narodnego Muzeja w Praze. Hanka Krawcec jo dostała Myto Ćišinskego w lěśe 1982.
Remove ads
Literatura
- Milan Hrabal, Hanka Krawcec, Warnoćicy 2001, ISBN 80-238-7019-X
- Milan Hrabal, Hanka Krawcec - výtvarné dílo / tworjace wuměłstwo, Warnoćicy 2011, ISBN 80-238-7019-X
- Cyril Kola, Hanka Krawcec njeboha, [w:] Rozhlad 1990 (12), b. 351 a d.
Wótkaze
- Katalog Hanki Krawc w ČR (česki)
- Bio Hanki Krawcec (česki)
Wopomnjeńska tofla
Wikiwand - on
Seamless Wikipedia browsing. On steroids.
Remove ads