Martin Haspelmath
From Wikipedia, the free encyclopedia
Remove ads
Martin Haspelmath (roź. 2. februara 1963 w Hoya) jo nimski rěcywědnik.
Žywjenje
W lětach 1983–1985 na Wienskej Uniwersiśe a 1985–1987 na Uniwersiśe w Köln jo Martin Haspelmath studěrował indogermanistiku, powšyknu rěcywědu a slawistiku. W 1988 wón jo wustuděrował na University at Buffalo swój magistrowy eksamen w rěcywěźe, 1989 swój magistrowy eksamen w slawistice na uniwersiśe Köln. Pó wukrajnym lěśe na uniwersiśe Lomonosowa w Moskwje jo źěłał 1990–1996 na lichotnej uniwersiśe w Barlinju, źož 1993 jo se promowěrował a w 1996 teke habilitěrował.
Wót lěta 1998 jo Haspelmath na Max-Planck-instituśe za ewolucionarnu antropologiju w Lipsku pśistajony ale teke ako honorarowy profesor za rěcywědu na uniwersiśe Lipska cynity.
Remove ads
Slěźenja
Slěźeńske śěžyšća Haspelmatha su syntaksowa teorija, morfologija, rěcny kontakt, rěcna změna ale teke rěcna typologija. Wažny projekt pód jogo wjednistwom jo było wuźěłanje World Atlas of Language Structures (WALS), kótaryž jo se 2005 publicěrował a něnto teke online jo pśistupny. Mimo togo jo Haspelmath iniciator rěcywědneje online-encyklopedije Glottopedia.
Myta
- 2007: Akademijowe myto Berlin-Bramborskeje akademije wědomnosćow
Eksterne wótkaze
- Martin Haspelmath - Literatura w katalogu Nimskeje narodneje biblioteki
- Martin Haspelmath na boce Lipskej uniwersity
- Glottopedia
Wikiwand - on
Seamless Wikipedia browsing. On steroids.
Remove ads