Pětš Janaš

Pětš Janaš, teke Klaws-Pětr Janaš, nimski Peter Jannasch, Klaus-Peter Jannasch (roź. 19. nowembra 1933^[1] w Chóśebuzu, wum. 18. februara 2021) jo był dolnoserbski ceptaŕ, pśełožowaŕ a wudawaŕ serbskich wucbnicow. Wón jo teke załožaŕ Źěłanišća za serbske kubłańske wuwijanje Chóśebuz był.^[2]

Źěłał jo ako wucabnik w šuli w Kupaŕskich Bórkowach, źož jo w lěśe 1958 pśewzeł swóju prědnu šulsku rědownju^[3]. Wót 1979 wón jo był cłonk Dolnoserbskeje rěcneje komisije.^[4] W lěśe 2005 jo dostał Myto Ćiśinskego za "za jogo wědomostne statkowanje pśi pśeslěźenju a woplěwanju dolnoserbskeje rěcy"^[5].

Pětš Janaš a Roland Marti stej wudałej wšykne spise Mata Kósyka w 9 zwězkach.

Publikacije

• 1960: Moja prědna serbska knigła (spisał po górnoserbskem wudaśu)
• 1966: Wjasole wuknjomy. Wucbnica za 2. lětnik za serbsku wucbu na wušych šulach z dolnoserbskeju wucbu
• 1976: Naša serbšćina: zakładny kurs dolnoserbšćiny za pśigotowańske rědownje Serbskeje rozšyrjoneje wušeje šule, Budyšyn
• 1976: Niedersorbische Grammatik
• 1984: Niedersorbische Grammatik für den Gebrauch der Sorbischen Oberschule. 2., durchgesehene Auflage
• 1989: Z Borkojskich spomnjeśow [w:] Ako smy chopili ceptariś. Dopomnjeńki wucabnikow prědnych lět, wud. Christa Brandtowa, Budyšyn^[6]
• 1990: Nimsko-dolnoserbski słownik, Budyšyn
• 1990: Spěwaj, grajkaj, powědaj! Wučbnica dolnoserbšćiny za wukubłanje źěśownicow
• 1997: Pówědamy serbski. Wucbne kniglicki za kubłarki a źiśownice, 84 b., Chośebuz + Pówědajśo k bildkam! Wulicowańske łopjena, 28 b.

Pśełožki do dolnoserbšćiny

• 2010: Antoine de Saint-Exupéry, Ten mały princ
• 2014: Wilhelm Busch, Maks a Moric
• 2015: Wilhelm Busch, Se kupaś ma, gaž wjacor jo a sobota