Viktoriaski jazor

Viktoriaski jazor jo nejwětšy jazor w Africe a pó Kaspiskem mórju a Górnem jazorje tśeśi nejwětšy cełego swěta. Słuša k pódzajtšnoafriskim statam Uganźe, Tansaniji a Keniji. Ma pśestrěń wót pśisamem 69.000 km², což wótpowědujo Bayerskej abo Irskej, a jo až do 85 metrow dłymoki. Spóromje jogo pśibrjogow jo wěcej ako 30 milionow luźi žywe.

w1

Viktoriaski jazor
Karta jězora
Geografija
Stat(y)	Uganda, Tansanija, Kenija
Koordinaty	1° 8′ S, 32° 51′ O-1.133333333333332.85
Nutś běžece rěki	Kagera
Wuběžece rěki	Viktoriaski Nil
Pśibrjozne sedlišća	Entebbe, Mwanza, Jinja, Kisumu
Daty
Wusokosć nad mórskej głaźinu	1134 m
Płoń	68.870 km²
Dłujkosć x šyrokosć	337 x 250
Wolumen	2.760
Dłymokosć
Pśerězna	40 m
Maksimalna	85 m
p • d • w

Jazor lažy wósrjejź pódzajtšnoafriskeje wusokeje rowniny. Nejwětšy pśiběg jo w Ruanźe se wubryzgujuca Kagera; jadnučki wjeliki wótwód jo Viktoriaski Nil na pódpołnocy, kenž jo zrazom nejwažnjejšy pśiběg Nila.

Viktoriaski jazor bu pśez natwarjenje nasypa „Owen Falls Dam“ pśi Viktoriskem Nilje w lěśe 1954 kumštnje pówětšony a wužywa se wót togo casa teke za dobywanje energije. Dla gustego wobsedlowanja spóromje pśibrjogow ma jazor wjele ekologiskich problemow, kaž na pśikład wunjerěšenje wódy a njedostatk kislika.

Fauna

Mimo wódnego kónja jo we Viktoriaskem jazorje wokoło 550 rybowych družynow žywe - w cełej Europje mamy jano 200. Zasedlenje Nilowego pjerška (Lates niloticus) w 1960tych lětach jo był pak ekologiska katastrofa, dokulaž jo był cuza družyna wutłocowała domacne pjerški.

Wótkaz

 Commons: Viktoriaski jazor – Zběrka wobrazow, widejow a audio-datajow