From Wikipedia, the free encyclopedia
C'l artìcul chè 'l è scrit in Miranduléś |
Julio Iglesias (Madrid, 23 ad Setémbar dal 1943) 'l è un cantànt spagnōl ch'l à vindû da piò ad 300 migliòṅ ad disc in tut al mónd. Al sò nóm scrit p'r intér al sarév Julio José Iglesias de la Cueva.
Da śóvan Julio Iglesias 'l à fat al purtēr in di panchinàr dal Real Madrid. Avénd però patî 'n incidènt in màchina 'l è stâ pò custrét a dar-'g un taj, sarnénd alóra ad dvintàr un cantànt ad mistēr.
In dal 1968 al vins al Festival de la Canción de Benidorm cun La vida sigue igual, cgnusùda in itagliàṅ cuma Se lei non c'è (Se lē la n gh'è briśa). Dū an dòp al cata la fama internasiunàla cantànd Gwendolyne a 'l Eurovision Song Contest.
Da cal punt lè in avànti al taca anc a cantàr in di àtri léngui (ingléś, francéś, purtughéś e tedésc). In di an Stanta e Utànta 'l è dvintâ famóś anc dal nòstri bandi cantànd dal canti in itagliàṅ cuma Se mi lasci, non vale (Se ta m las a n è mia giùst, scrita par Luciano Rossi e Gianni Belfiore), Pensami (Péns'um), Manuela e Sono un pirata, sono un signore (A sòṅ un piràta, a sòṅ un sgnōr).
In dal 1977 in Cîl al fà 'l pîṅ ad spetadōr dal viṿ a 'l stadi nasiunàl ad Santiago muciànd sù da piò ad sènt-mila parsòni.
In dal 1978 al spatìna a Miami in di Stat Unî firmànd in cal mèntar un cuntràt par la CBS.
In dal 1984 al lavóra cun Diana Ross e sèg 'l incìd All of you. In dal 1988 al vins al Grammy Awards.
Julio Iglesias al gh'à òt fiōi: Maria Isabel, Julio José e Enrique Iglesias (cantànt dimóndi famóś anca lò) abû da la prima mujér, la mudèla filipìna Isabel Presler Arrastria e Miguel Alejandro, Rodrigo, Guillermo e al śmèli Cristina e Victoria da la secónda mujér Miranda Rijnsburger.
Yo canto (1969)
|
Sentimental (1980)
|
Anche senza di te (1992)
|
---|
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.