Anthrax

Miranduléś

C'l artìcul chè 'l è scrit in Miranduléś

«

Everything is perfect, everything is sick, that's it, you can't tell me to stop it, you can't tell me not to quit, that's it, revolve around yourself, it's you and no one else, hard for me to stay, swinging moods that change, from calmness to deranged, unpredictable, unpredictable, you would see if only you hadn't taken things out of my hands, only you never wanted to understand.»

(EN)(Only, 1993)

«

Tut 'l è parfèt, tut a fà schiva, bòna, ta n pó minga dir ad farmàr-um, ta n pó minga dir ad dar-ag sù, bòna, ta t pril dintóran, ta gh sē sōl tè e ninsòṅ àtar, par mè 'l è difìcil armàgnar, i stat 'd anma i càmbian, a s pasa da la calma a la matéria, a n s pōl minga prevéd'r-al, minga prevéd'r-al, se sōl ta n m is minga tòlt al ròbi da 'l maṅ, sōl tè ta n à mai vlû capìr.»

(MUD)

Gl’Anthrax (a s lèś /ˈæn.θræks/ in ingléś) i èṅ un grup thrash metal americàṅ nâ a New York in dal 1981 par mèrit dal chitarìsta Scott Ian e dal basìsta Dan Lilker ch'i aṅ tòlt spunt lśénd un tèst ad biulugìa. I èṅ cunsiderâ fra i "big four" ad cal gènar 'd heavy metal lè insém a i Metallica, a i Slayer e a i Megadeth.

Dòp i prim tri àlbum, ch'i aṅ influensâ dimóndi al thrash metal, al grup 'l à pruâ a cambiàr regìstar tacànd da 'l sìngul I'm the Man, òṅ di prim braṅ dal gènar rap metal insém anc a Bring the Noise dal 1991 fat insém a i Public Enemy. In séguit i gh'aṅ abû di prubléma c'n i disc Stomp 442 e Volume 8: The Threat Is Real tant che p'r al véndidi basi i èṅ stâ davśèṅ a mulàr-as.

Fra i sò pès più cgnusû a gh'è Madhouse, Caught In A Mosh, Anti-Social, Got The Time, Only (cun John Bush a la vóś) e Deathrider.