Artrât edla principèsa Marìa Cristìna

 Carpśàn

C'l artìcol chè 'l è scrit in Carpśàn

Al quèder edla principèsa Marìa Cristìna Borbòuna.

'L artràt edla principèsa Marìa Cristìna, Borbòuna dal dō Sicìli, 'l è 'n quèder a òli in sim'a tela, piturê da la Liśabèta Vigée Le Brun vers la fin dal Setsèint.
Al quèder al figùra ùna di quàter fiō edla còpia reèla Ferdinànd I dal Dō Sicìli e Marìa Carolèina 'd Aśbûrg-Lorèina, ch'i 'n ìven dê 'l incàregh ala pitóra gnuda lè a lughères pròpia a Nàpol in dal tèimp edla Rivolusiòun Francéśa.
Adèsa cla pitùra chè la s cata in dal Muśèo Nasionêl ed Capodimonte ed Nàpol.

In na chelma campaggnóla, la ragasóla la vin figurèda drē a tōr sù dal róśi in dal só sestlèin, coi cavî ròs tgnû apèina strìc ind un naster incòr ròs, acsè c'ma la sintùra dal só vistî. Cun la naturalèsa del manéri e dla situasiòun piturèda, al quèder al se śluntàna da tanta fisèda formalitê di artrât ed cōrt ch'a s era vist prìma.

Vōś lighèdi

• Louise Élisabeth Vigée Le Brun
• Marìa Cristìna Borbòuna dal dō Sicìli
• Muśèo Nasionêl ed Capodimonte ed Nàpol

Colegamèint estèren

• (IT) Na descrisiòun dal quèder in dal sit dal Muśèo Capodimonte.

Referèinsi