Bècalégn

 Miranduléś

C'l artìcul chè 'l è scrit in Miranduléś

Masć ad bècalégn négar, c'n i sò pulśèṅ

Un bècalégn rós

Al bècalégn (nóm sientìfic Picidae, picchio in itagliàṅ) 'l è 'n uśèl dla famìja di Picìdi ch'la cumprénd duśènt spéci. Al sò órdan 'l è qvél di Picifórum.

Cla bèstia chè la ciàpa 'l nóm da 'l fat ch'la bèca 'l légn di àrbui śmartlànd-i par magnàr i bēg e gl'insèt lugâ lè 'd sóta ma anc par far al gnal dènt'r al piànti faghénd un buś in du la s insfìlsa. Soquànti spéci i màgnan anc dla fruta, di ōṿ, dal bestiulìni e dal caróggni.

Al bècalégn al gh'à 'n bèc a rampèṅ lung e fòrt e na léngua lunga. Al s cata in tut al mónd a part l'Austràglia, la Guinèa Nóva, la Śelànda Nóva, al Madagascàr e al regiòṅ pulàri in du a fà tròp fréd. Al viṿ specialmènt in dal furèsti e in di bòsc.

Culegamènt estéran

• (IT) La sò paśna su 'l sit dla Treccani