Basic Instinct 2
From Wikipedia, the free encyclopedia
Remove ads
Miranduléś|
C'l artìcul chè 'l è scrit in
Miranduléś |
«
Tut qvél ch'al dà interès al taca in dla mènt»
(tagline dal film)
Basic Instinct 2 (Istìnt primàri 2) 'l è 'n thriller eròtic dal 2006 ad Michael Caton-Jones, séguit dal film campiòṅ 'd incàs dal 1992 Basic Instinct ad Paul Verhoeven. Qvést chè invéci 'l à muciâ sù dimóndi pôc. Custâ stanta migliòṅ ad dòlar, in di Stat Unî 'l è stâ 'n flòp clamuróś e 'l è stâ tirâ via da 'l sali dòp sōi darsèt dè ad prugramasiòṅ e gnanc siē migliòṅ fat sù. In dal rést dal mónd 'l à fat méj ma minga asè par parśàr i cònt, rivànd a trént'òt migliòṅ e siē in tut.
In dal 2006 'l à purtâ a cà quàtar Razzie Awards, p'r al film, par la Sharon Stone, par la senegiadùra e p'r al séguit più brut.
Sunt
La scritōra ad lìbar śai Catherine Tramell (Sharon Stone), dòp ès'r andàda a vìvar a Lóndra, la gh finìś in mèś incóra. Quànd a mōr cupâ un spurtìṿ, lì lē la s cata i òć adòs da qvéi ad Scotland Yard, cun 'l ispetōr Roy Washburn (David Thewlis) ch'l è cunvìns dabòṅ ch'la sia stada lē. La dóna la s catàva in màchina sèg, cun lò ch'al guidàva a tuta mént'r al gh dava anc na gratadìna in mèś a 'l mudàndi.
Al psicòlug Michael Glass (David Morrissey) al gh'à da far na perìsia par cònt di giùdas par védar s'l'è a pòst cun la tèsta ma l'è lē ch'la s fà śbavśàr adrē.
Culegamènt estéran
Remove ads
Wikiwand - on
Seamless Wikipedia browsing. On steroids.
Remove ads