Detroit

Miranduléś

C'l artìcul chè 'l è scrit in Miranduléś

Detroit (a s lèś /dɪˈtʰɹɔɪt/ in d'l Ingléś) l'è na sità di Stat Unî fundàda in dal 1701 ad siesènt-stantamìla abitànt a 'l incìrca ch'la s cata in dal stat dal Mìchigan esénd anc la sò più granda. A 'l dè 'd incō l'è 'l 23śum sèntar più grand dal paéś ma in di an Sinquànta la muciàva sù dagnóra dū migliòṅ 'd abitànt quànd l'indùstria dal màchini dla General Motors l'andàva fòrt. La sità la s cata su 'l fiùm Detroit in frònt a la sità canadéśa 'd Windsor.

La ciàpa 'l nóm da la paròla francéśa détroit ch'la vōl dir strét mént'r al sò mòt, in latìn, 'l è “Speramus Meliora; Resurget Cineribus” ch'al vō dir “Sperém p'r al méj; A suśrà da 'l séndri”. In dal 2013 la sità l'à fat bacaróta.

Stand a 'l censimènt dal 2010 la sò pupulasiòn la s divìd in un 82,7% ad négar, un 10,6% ad biànc e 'n 1,1% 'd aśiàtic, p'r al rèst rasi misći. Da 'l 2014 al sìndig 'l è 'l demucràtic Mike Duggan.

Persunàǵ ligâ a Detroit

Henry Ford II, industriàł
Sonny Bono, cantànt e pulìtig
Francis Ford Coppola, regìsta
Roger Corman, regìsta
Neil LaBute, regìsta
Vincenzo Natali, regìsta
Marilyn Buferd, atōra
Piper Laurie, atōra
Tom Selleck, atōr
Tom Sizemore, atōr
Alice Cooper, cantànt
Mark Tremonti, cantànt e chitarìsta
Diana Ross, cantànta
Danny Jacobs, ardupiadōr

Culegamènt estéran

(EN) Al sit ufisiàł