Duplicity
From Wikipedia, the free encyclopedia
Remove ads
Miranduléś|
C'l artìcul chè 'l è scrit in
Miranduléś |
«
Fargàr 40 migliòṅ ad dòlar 'l è fàcil, la part difìcila l'è fidàr-as dal tò cumpâr.»
(Tagline dal film)
Duplicity (Cumpurtamènt dópi) 'l è 'n thriller sentimentàł americàṅ e tedésc dal 2009 scrit e dirèt par Tony Gilroy.
La pelìcula, custàda ssanta migliòṅ ad dòlar a 'l incìrca, la 'n à pò fat sù da piò ad stant'òt.
Sunt
Sinc an fà Ray Koval (Clive Owen), agìnt di servìsi segrét britànic dal MI6, al cgnusìva a Dubài durànt la fèsta dal Dè dl'indipendénsa americàna na bèla dóna ciamàda Claire Stenwick (Julia Roberts) e in na manéra sfaciàda al s l'éra purdàda a lèt sénsa savēr che lē, agìnta segréta dla CIA, dòp avér-ag dâ la śdòrmia la gh ciavarà di ducumènt riservâ.
Adès Ray, ch'l à péna tòlt 'n incàr'g ad spiunàǵ industriàł par la multinasiunàł Equikrom ad New York, al gh'à da véd'r-as cun 'l infurmadōr dla cuncurènta Burkett & Randle e, gnanc a dir-al, la parsòna ch'al gh'à da pasàr-'g un dossier ch'al scòta l'è pròpria la Claire. In dal carti a gh'è scrit che la Burkett & Randle l'è drē a métar su 'l marcâ un prudót “bómba” e qvéi Equikrom i tàc'n a cagàr-as sóta.
Ma a dir dabòṅ i dū agìnt i èṅ anc di amànt e i lavóran par far un cōlp da migliòṅ ad dòlar.
Culegamènt estéran
Remove ads
Wikiwand - on
Seamless Wikipedia browsing. On steroids.
Remove ads