Ewan McGregor

Miranduléś

C'l artìcul chè 'l è scrit in Miranduléś

Ewan Gordon McGregor (Perth, 31 ad Mars dal 1971, a s lèś [ˈjuːən məˈɡɹɛɡɚ] in ingléś) 'l è 'n atōr scuséś. Al gh'à na stéla in dla Hollywood Walk of Fame e in dal 2012 'l è stâ numinâ Ufisiàł d'l Órdan d'l Impēr Britànic.

In dla sò caréra 'l è stâ bòṅ ad vìns'r un Golden Globe par la série televiśìva Fargo, su quàtar candidadùri, e anc 'n Emmy Award. In dal 2016 'l dirèt la Jennifer Connelly in dla pelìcula American Pastoral in du lò 'l à fat la part dal “Śvedéś”.

Biugrafìa

Ewan 'l è fiōl ad dū insgnànt e anvōd d'l atōr Denis Lawson e 'l è carsû a Crieff in Scòsia. A daśdòt an al và a star a Lóndra par studiàr a la Guildhall School of Music and Drama. Da sèmpar pasiunâ 'd teàtar, al taca la caréra da atōr lè ma anc in prudusiòṅ televiśìvi britànichi, faghénd pò al sò debùt a 'l cìnema in dal 1994 cun la cumèdia dramàtica Le cinque vite di Hector, cun Robin Williams, John Turturro e Vincent D'Onofrio, e in dal thriller Piccoli omicidi tra amici ad Danny Boyle. Sèmpar c'n al regìsta 'd Manchester al gira dū an dòp Trainspotting, film ch'l al fà cgnós'r anc a 'l èstar trat da 'l rumànś umònim 'd Irvine Welsh in du 'l fà 'n drugâ pódag e delinquènt in dal stradi 'd Edimbûrg, e pò la cumèdia Una vita esagerata a fiànc dla Cameron Diaz.

Sèmp'r in chi an lè al rècita in I racconti del cuscino ad Peter Greenaway (1996), in dla cumèdia dramàtica Grazie, signora Thatcher (1996), in dal thriller Nightwatch - Il guardiano di notte (1997), insém a la Patricia Arquette, Nick Nolte e Brad Dourif, e in dal film muśicàł ispirâ a David Bowie Velvet Goldmine (1998) su i an dal glam rock cuma muivènt cunturàł.

In dal 1999 'l è 'l prutagunìsta dal thriller The Eye - Lo sguardo, a fiànc dl'Ashley Judd e dla Geneviève Bujold.

Tulénd part a Star Wars - Episodio I - La minaccia fantasma (1999), a Star Wars: Episodio II - L'attacco dei cloni (2002) e a Star Wars: Episodio III - La vendetta dei Sith (2003), in dla part dal śōvan Obi-Wan Kenobi, al cata 'l sucès mundiàł. A 'l inìsi di an Dumìla al gira anc al drama muśicàł Moulin Rouge! (2001), in còpia cun la Nicole Kidman, al film ad guèra Black Hawk Down - Black Hawk abbattuto (2001), la cumèdia cun la Renée Zellweger Abbasso l'amore (2003), al drama eròtic Young Adam (2003), cun la Tilda Swinton, e 'l fantàstic Big Fish - Le storie di una vita incredibile (2003), film ad Tim Burton cun la Jessica Lange, la Marion Cotillard e Danny DeVito.

In dal 2007 'l à laurâ cun Woody Allen e Colin Farrell in dal thriller Sogni e delitti méntar 'l an dòp 'l à incruśâ Hugh Jackman in Sex List - Omicidio a tre. In dal 2009 'l à fat 'l amànt ad Jim Carrey in Colpo di fulmine - Il mago della truffa, un prevòstar in dal śal Angeli e demoni, a fiànc ad Tom Hanks, e 'n giurnalìsta in dla cumèdia L'uomo che fissa le capre, giràda insém a George Clooney, Jeff Bridges e Kevin Spacey.

In séguit 'l è stâ prutagunìsta dal thriller ad Roman Polański L'uomo nell'ombra (2010), dla cumèdia sentimentàla Il pescatore di sogni (2011), cun l'Emily Blunt, dal film 'd asiòṅ Knockout - Resa dei conti (2011), girâ cun Michael Fassbender, Bill Paxton, Antonio Banderas e Michael Douglas, e dal drama Son of a Gun (2014).

Fra i sò ùltim lavōr a 'rcurdém T2 Trainspotting (2017), séguit dal sò prim sucès dal 1996, La bella e la bestia (2017), film live action cun l'Emma Watson, Dan Stevens e Kevin Kline, e la pelìcula 'd scarésa Doctor Sleep (2019).

In televiśiòṅ a 'l ém vist in I racconti della cripta, E.R. - Medici in prima linea, Fargo (par déś epiśòdi), Obi-Wan Kenobi e Un gentiluomo a Mosca.

Dòp èsar stâ spuśâ da 'l 1995 a 'l 2020 cun la senógrafa Eve Mavrakis, in dal 2022 'l è dvintâ 'l marè dla Mary Elizabeth Winstead, atōra cgnusùda su 'l set ad Fargo. In tut al gh'à sinc fiōi (dū adutâ).

Filmugrafìa

1994 - Le cinque vite di Hector (Being Human), regìa ad Bill Forsyth
1994 - Piccoli omicidi tra amici (Shallow Grave), regìa ad Danny Boyle
1995 - Blue Juice, regìa ad Carl Prechezer
1996 - Trainspotting, regìa ad Danny Boyle
1996 - I racconti del cuscino (The Pillow Book), regìa ad Peter Greenaway
1996 - Emma, regìa ad Douglas McGrath
1996 - Grazie, signora Thatcher (Brassed Off), regìa ad Mark Herman
1997 - Nightwatch - Il guardiano di notte (Nightwatch), regìa 'd Ole Bornedal
1997 - Il bacio del serpente (The Serpent's Kiss), regìa ad Philippe Rousselot
1997 - Una vita esagerata (A Life Less Ordinary), regìa ad Danny Boyle
1998 - Velvet Goldmine, regìa ad Todd Haynes
1998 - Little Voice - È nata una stella (Little Voice), regìa ad Mark Herman
1999 - Star Wars - Episodio I - La minaccia fantasma (Star Wars: Episode I - The Phantom Menace), regìa ad George Lucas
1999 - Rogue Trader, regìa ad James Dearden
1999 - The Eye - Lo sguardo (Eye of the Beholder), regìa ad Stephan Elliott
2000 - Nora, regìa ad Pat Murphy
2001 - Moulin Rouge!, regìa ad Baz Luhrmann
2001 - Black Hawk Down - Black Hawk abbattuto (Black Hawk Down), regìa ad Ridley Scott
2002 - Star Wars - Episodio II - L'attacco dei cloni (Star Wars: Episode II - Attack of the Clones), regìa ad George Lucas
2003 - Abbasso l'amore (Down with Love), regìa ad Peyton Reed
2003 - Young Adam, regìa ad David Mackenzie
2003 - Big Fish - Le storie di una vita incredibile (Big Fish), regìa ad Tim Burton
2005 - Star Wars - Episodio III - La vendetta dei Sith (Star Wars: Episode III - Revenge of the Sith), regìa ad George Lucas
2005 - The Island, regìa ad Michael Bay
2005 - Stay - Nel labirinto della mente (Stay), regìa ad Marc Forster
2006 - Alex Rider: Stormbreaker (Stormbreaker), regìa ad Geoffrey Sax
2006 - Scenes of a Sexual Nature, regìa 'd Ed Blum
2006 - Miss Potter, regìa ad Chris Noonan
2007 - Sogni e delitti (Cassandra's Dream), regìa ad Woody Allen
2008 - Senza apparente motivo (Incendiary), regìa dla Sharon Maguire
2008 - Sex List - Omicidio a tre (Deception), regìa ad Marcel Langenegger
2009 - Colpo di fulmine - Il mago della truffa (I Love You Phillip Morris), regìa ad Glenn Ficarra e 'd John Requa
2009 - Angeli e demoni (Angels & Demons), regìa ad Ron Howard
2009 - L'uomo che fissa le capre (The Men Who Stare at Goats), regìa ad Grant Heslov
2009 - Amelia, regìa dla Mira Nair
2010 - L'uomo nell'ombra (The Ghost Writer), regìa ad Roman Polański
2010 - Tata Matilda e il grande botto (Nanny McPhee and the Big Bang), regìa dla Susanna White
2010 - Beginners, regìa ad Mike Mills
2011 - Perfect Sense, regìa ad David Mackenzie
2011 - Il pescatore di sogni (Salmon Fishing in the Yemen), regìa ad Lasse Hallström
2011 - Knockout - Resa dei conti (Haywire), regìa ad Steven Soderbergh
2012 - The Impossible, regìa ad Juan Antonio Bayona
2013 - Il cacciatore di giganti (Jack the Giant Slayer), regìa ad Bryan Singer
2013 - I segreti di Osage County (August: Osage County), regìa ad John Wells
2014 - Un milione di modi per morire nel West (A Million Ways to Die in the West), regìa ad Seth MacFarlane
2014 - Son of a Gun, regìa ad Julius Avery
2015 - Mortdecai, regìa ad David Koepp
2015 - Miles Ahead, regìa ad Don Cheadle
2015 - Gli ultimi giorni nel deserto (Last Days in the Desert), regìa ad Rodrigo García
2016 - Jane Got a Gun, regìa ad Gavin O'Connor
2016 - Il traditore tipo (Our Kind of Traitor), regìa dla Susanna White
2016 - American Pastoral, regìa 'd Ewan McGregor
2017 - T2 Trainspotting, regìa ad Danny Boyle
2017 - La bella e la bestia (Beauty and the Beast), regìa ad Bill Condon
2018 - Zoe, regìa ad Drake Doremus
2018 - Ritorno al Bosco dei 100 Acri (Christopher Robin), regìa ad Marc Forster
2019 - Doctor Sleep, regìa ad Mike Flanagan
2020 - Birds of Prey e la fantasmagorica rinascita di Harley Quinn (Birds of Prey and the Fantabulous Emancipation of One Harley Quinn), regìa dla Cathy Yan
2021 - The Birthday Cake - Vendetta di famiglia (The Birthday Cake), regìa ad Jimmy Giannopoulos
2022 - Pinocchio di Guillermo del Toro (Guillermo del Toro's Pinocchio), regìa ad Guillermo del Toro - Vōś
2022 - Raymond & Ray, regìa ad Rodrigo Garcia
2023 - Divano di famiglia (Mother, Couch), regìa ad Niclas Larsson
2023 - Bleeding Love, regìa dl'Emma Westenberg

Ewan McGregor

Biugrafìa

Filmugrafìa

Discugrafìa

Sìngui

Culegamènt estéran

Àtar prugèt

Wikiwand - on