Granèda

 Mudnés

C'l artìcul chè 'l è scrit in Mudnés

Na graneda

La granèda (malgarèina in dialètt carpśàn) l'è un strumèint ch'al se drova per pulìr al cortìl e al paviment ed la cà. L'è fata da un mànegh (ed lègn o ed plastica) e da di fìl ed plastica o (in passê) da di ram ed pianti.

A fùria 'd druèrla, la granèda dal volti la s frusta e dòunc at tòca ed spasèr cun quèl ch'a gh'armàgn, ch'al s pōl anc ciamèr "stungiòun" o "musòun".

La befana e i strègh

In dal cherdèinsi popolêr, la granèda l'è al meż ed trasport tipich ed la befàna e da i stregh, fin dal mediêv.

Espressiòun tìpic

• (MUD) Druver la granèda: Picèr quelchidùn
• (RGN) Dé un mont ad bòtt cun e mangh dla garné:^[1] Dèr na muntàgna 'd bòti col mànegh dla granèda

Noti e referèinsi

1. (RGN) "La burdêla incajèda", 1929, in "Teatro in dialetto romagnolo" dal Bruno Marescalchi, Ravèna, 2005, pâǵ 109