Ingrid Thulin

Miranduléś

C'l artìcul chè 'l è scrit in Miranduléś

L’Ingrid Lilian Thulin (Sollefteå, 27 ad Śnar dal 1926 - Stucólma, 7 ad Śnar dal 2004, a s lèś [ˈɪŋːrɪd tɵˈliːn] in śvedéś), l'è stada n'atōra śvedéśa.

In dal 1960 l'à vins na Grolla 'd Òr p'r al dramàtic Alle soglie della vita.

Biugrafìa

La Thulin la taca a lauràr da atōra a 'l Teàtar Reàł Dramàtic ad Stucólma. Al regìsta Ingmar Bergman al la véd e al la tōś par far-ag far la part dla Marianne in Il posto delle fragole (1957), insém a Victor Sjöström e a la Bibi Andersson, dvintànd una dal sò atōri preferìdi, cun nóṿ pelìculi giràdi sèg. A psém nutàr in particulàr Luci d'inverno (1962), Il silenzio (1963), in dua l'à fat na dóna malàda 'd tuberculóśi, e Sussurri e grida (1972) cun l'Ingrid Bergman.

L'à laurâ anc cuma atōra in televiśiòṅ, cuma Il rito (1967), Scene da un matrimonio (1973), Corruzione in una famiglia svedese (1974) e Dopo la prova (1984). A Hollywood l'à recitâ in Spionaggio internazionale (1956), noir cun Robert Mitchum, e I quattro cavalieri dell'Apocalisse (1962) ad Vincente Minnelli, cun Glenn Ford, pelìculi che però i n gh'aṅ abû minga tant sucès.

In dal 1962 la riva in Itàglia par giràn un film cun Mauro Bolognini, Agostino, trat da 'n rumànś 'd Alberto Moravia. In di an Ssanta la tōś part a Giochi di notte (1966) ad Mai Zetterling e pò a 'l drama 'd Luchino Visconti La caduta degli dei, pelìcula cun Dirk Bogarde, Helmut Berger, la Florinda Bolkan e la Charlotte Rampling.

In di an Stanta la gira 'l catastròfic Cassandra Crossing, in dua la fà na dutōra dl'Urganiśasiòṅ Mundiàla dla Salùt ad Ginévra, e la lavóra cun di regìsta impurtànt cuma Pierre Granier-Deferre, Alain Resnais, Tinto Brass e Giuliano Montaldo, vgnénd a vìv'r in Itàglia.

Da regìsta l'à girâ dū film: Noi due, una coppia (1978) e Cielo spezzato (1982).

Dòp avēr girâ La casa del sorriso (1991) ad Marco Ferreri, premiâ cun 'l Ōrs 'd Òr a 'l Fèstival 'd Berlîṅ, la decìd ad lasàr al cìnema par lauràr a teàtar. In dal 2003 la gh'iva da recitàr in Sarabanda, ùltim film 'd Ingmar Bergman, ma in d'l Utóbar ad c'l an lè la s è malàda 'd càncar, murénd tri méś dòp a stant'òt an. L'è stada saplìda a Stucólma.

Filmugrafìa

1951 - Leva på Hoppet, regìa ad Göran Gentele
1956 - Spionaggio internazionale (Foreign Intrigue), regìa ad Sheldon Reynolds
1957 - Il posto delle fragole (Smultronstället), regìa 'd Ingmar Bergman
1957 - La rapina perfetta (Aldrig i livet), regìa 'd Arne Ragneborg
1958 - Alle soglie della vita (Nära livet), regìa 'd Ingmar Bergman
1958 - Il volto (Ansiktet), regìa 'd Ingmar Bergman
1959 - Älska, regìa 'd Hans Abramson - Film TV
1959 - Vår ofödde son, regìa 'd Hans Abramson - Film TV
1960 - Angeli alla sbarra (Domaren), regìa 'd Alf Sjöberg
1961 - Syskon, regìa 'd Hans Abramson - Film TV
1962 - Luci d'inverno (Nattvardsgästerna), regìa 'd Ingmar Bergman
1962 - Agostino, regìa ad Mauro Bolognini
1962 - I quattro cavalieri dell'Apocalisse (Four Horsemen of the Apocalypse), regìa ad Vincente Minnelli
1963 - Il silenzio (Tystnaden), regìa 'd Ingmar Bergman
1963 - Ett drömspel, regìa 'd Ingmar Bergman - Film TV
1965 - Dimensione della paura (Return from the Ashes), regìa ad J. Lee Thompson
1966 - Giochi di notte (Nattlek), regìa ad Mai Zetterling
1966 - La guerra è finita (La Guerre est finie), regìa 'd Alain Resnais
1967 - Domani non siamo più qui, regìa ad Brunello Rondi
1968 - L'ora del lupo (Vargtimmen), regìa 'd Ingmar Bergman
1968 - Fino a farti male (Adélaïde), regìa ad Jean-Daniel Simon
1968 - Bagnanti (Badarna), regìa 'd Yngve Gamlin
1968 - Calda e... infedele (Un diablo bajo la almohada), regìa ad José María Forqué
1969 - Il rito (Riten), regìa 'd Ingmar Bergman - Film TV
1969 - La caduta degli dei, regìa ad Luchino Visconti
1971 - La corta notte delle bambole di vetro, regìa 'd Aldo Lado
1972 - Sussurri e grida (Viskningar och rop), regìa 'd Ingmar Bergman
1973 - Scene da un matrimonio (Scener ur ett äktenskap), regìa 'd Ingmar Bergman - Film TV
1974 - Corruzione in una famiglia svedese (En Handfull kärlek), regìa ad Vilgot Sjöman - Film TV
1974 - E cominciò il viaggio nella vertigine, regìa ad Toni De Gregorio
1974 - Corruzione in una famiglia svedese - Una manciata d'amore (En handfull kärlek), regìa ad Vilgot Sjöman
1975 - La trappola (La Cage), regìa ad Pierre Granier-Deferre
1975 - Salon Kitty, regìa ad Tinto Brass
1975 - Monismainen 1995, regìa ad Kenne Fant
1976 - L'Agnese va a morire, regìa ad Giuliano Montaldo
1976 - Cassandra Crossing (The Cassandra Crossing) , regìa ad George P. Cosmatos
1978 - Noi due, una coppia (En och en), regìa 'd Erland Josephson, Sven Nykvist, e dl'Ingrid Thulin
1984 - Dopo la prova (Efter repetionen), regìa 'd Ingmar Bergman - film TV
1986 - Il giorno prima, regìa ad Giuliano Montaldo
1988 - Cuore di mamma, regìa dla Gioia Benelli
1991 - La casa del sorriso, regìa ad Marco Ferreri

Culegamènt estéran

Àtar prugèt

Wikiquote contiene citazioni di o su Ingrid Thulin
Wikimedia Commons contiene file multimediali su Ingrid Thulin