Lêrd ed Colonnata

Carpśàn

C'l artìcol chè 'l è scrit in Carpśàn

Al lêrd ed Colonnata (lardo di Colonnata in itagliàṅ), salùm da l'IGP, 'l è 'l lêrd ch'a s prepèra a Colonnata, na frasiòun dal cumûn ed Carèra, salê, aromatiśê e stagiunê per soquànt tèimp in dal vaschi di só mèrem ed Carèra.

In chel vaschi lè, strulghèdi per la conservasiòun di alimèint, a s egh mèt, ùna in sìm'a cl'ètra, dal bandi 'd fèti 'd lêrd, da mêś a dal stremnèdi 'd sêl e 'd spési. Dôp 'd avér-i tgnudi lè per 6 o 10 méś, a na só taimpradùra particolèra e in dl ambjìnt speciêl dla vasca 'd mèrem, al lêrd ed Colonnata 'l è pròunt. Al selta fóra c'ma dal sfetlèdi mìa più basi 'd 3 cm, tendri, bianchi e 'n pò rośèdi, parfumèdi 'd spési, c'n un pò 'd codga da na banda, e da cl'ètra fàcia, la stremnèda dal spési.

A n's egh'la chèva mìa 'd capìr se storicamèint, cla specialitê chè la deśgnìs dai antìghi ginta céltichi ch'i stèven lè prìma di romàṅ antîg, o s'i la strulghìsen i romàṅ, o i longobêrd, mo dàint'r a Colonnata a s cata incòra incō soquànti butéghi e aśièndi 'd lavurasiòun ch'i eśistìven bèle soquànt sécol indrē.

Vóś lighèdi

lêrd
mèrem ed Carèra
lêrd 'd Arnad

Èter progêt

Wikimedia Commons contiene file multimediali su Lêrd ed Colonnata

Colegamèint estèren

(IT) Al disiplinêr edla só IGP tòlt in dal 2004.

Lêrd ed Colonnata

Vóś lighèdi

Èter progêt

Colegamèint estèren

Referèinsi

Wikiwand - on