Laurence Tolhurst

From Wikipedia, the free encyclopedia

Laurence Tolhurst
Remove ads
 Miranduléś

C'l artìcul chè 'l è scrit in Miranduléś Emiliàn


«
Ice in my eyes and eyes like ice don't move, screaming at the moon, another past time, your name like ice into my heart, everything as cold as life, can no one save you? Everything as cold as silence and you never say a word.»
(EN)(Cold, 1982)
«
Giàs in di mè òć e i òć ad giàs i n s mōvan minga, sigànd a la luna, 'n àtar tèmp pasâ, al tò nóm 'l è cuma giàs in dal mè cōr, tut 'l è fréd cum la vita, gh'è'l qualchidòṅ ch'al pōl salvàr-at? Tut 'l è fréd cum al silénsi e tè ta n dì mai na paròla.»
(MUD)
Thumb
Tolhurst tòlt śò in dal 2008
Thumb
Tolhurst in dal 2020


Laurence Andrew Tolhurst dit Lol (Horley, 3 ad Favràr dal 1959) 'l è 'n muśicìsta, tasterìsta, baterìsta e prudutōr ingléś, mémbar fundadōr di The Cure. Lol 'l è armàś in dal grup da 'l 1976 a 'l 1989 quànd 'l è stâ lasâ a cà da Robert Smith.

In séguit 'l à dâ vita a i di àtar grup, prima i Presence (da 'l 1990 a 'l 1993) e pò in dal 2002 a i Levinhurst. In dal 2023 'l à fat un disc insém a Budgie (èx baterìsta di Siouxsie and the Banshees) e a Jacknife Lee da 'l tìtul Los Angeles, cun òspit the Edge di U2 e 'l cantànt Bobby Gillespie di Primal Scream.

Biugrafìa

A siē an Tolhurst al spatìna a Crawley cun la sò famìja e lè al cgnós Robert Smith, sò vśèṅ 'd cà, dvintànd sò amìg. I dū, ch'i vàn'n anc a scóla insém, i daṅ vita a 'n grup par sunàr di pès post-punk, i Easy Cure pò The Cure. Lol al sòna la baterìa, Robert al canta sunànd anc la chitàra e Michael Dempsey al fà 'l parti 'd bas. In dal 1979 i pùblican 'l àlbum Three Imaginary Boys.

In dal 1982, dòp Pornography, Lol al lasa la baterìa a Andy Anderson par pasàr a sunàr al tastéri. Al gh'à anc la manéra 'd lauràr a la prudusiòṅ 'd un disc e 'd dū sìngui dal grup And Also the Trees.

In di an Utànta i vìnan fóra di àtar lavōr cun lò dèntar ma Tolhurst al taca a 'vēr di prubléma 'd alculìśum. A jutàr-al durànt i cuncèrt i gh pénsan prima Porl Thompson e pò Roger O'Donnell. In dal 1989 al vîṅ licensiâ dòp la publicasiòṅ ad Disintegration, in dua lò 'l à cuntribuî c'n al pès Homesick. In di crédit a riśùlta ch'l àppia sunâ di misterióś "àtar strumènt".

Subìt dòp Lol al dà vita a 'n àtar prugèt insém a 'l cantànt di Fools Dance Gary Biddles, i Presence, faghénd vgnir fóra 'l àlbum Inside in dal 1993. 'L an dòp al fà càuśa a Smith e a la Fiction Records parchè al vliva di àtar bèsi e druàr al nóm The Cure par lò. I giùdas i gh dànan però cóntar.

In dal 2002 insém a sò mujēr Cindy Levinson al mét insém 'n àtar grup, i Levinhurst, publicànd soquànt disc in di an Dumìla.

In dal 2011, par festegiàr i trént'an ad Faith, al s unìs incóra a i The Cure par sunàr al percusiòṅ durànt la tournée ciamàda Reflections, cun Jason Cooper a la baterìa e cun Roger O'Donnell cuma àrtista òspit a 'l tastéri.

In dal 2023 al firma un disc insém a Budgie, Los Angeles.

Discugrafìa

Disc c'n i The Cure

Disc c'n i Presence

  • 1992 - Inside
  • 2014 - Closer

Disc c'n i Levinhurst

  • 2004 - Perfect Life
  • 2006 - The Grey - EP
  • 2007 - House by the Sea
  • 2009 - Blue Star
  • 2014 - Somewhere, Nothing Is Everything - EP

Culegamènt estéran

Remove ads
Loading related searches...

Wikiwand - on

Seamless Wikipedia browsing. On steroids.

Remove ads
Remove ads