Musć

 Miranduléś

C'l artìcul chè 'l è scrit in Miranduléś

Dal musć in na furèsta

Al musć 'l è na pianta cica ch'la n gh'à minga di tesû vasculàr e al fà part dla diviśiòṅ Bryophyta.

In dal mónd a gh 'n è 12.000 spéci a 'l incìrca e al s cata specialmènt in di bòsc e davśèṅ a i fiùm. In generàl, al crés in du a gh'è l'òra e dla tèra mója.

I fust i èṅ pòc śvilupâ e i vènan sù cun dal strutùri a fója. Al musć più grand al pól rivàr a 50 cm 'd altésa (Dawsonia superba, ch'al crés in di tròpic) ma ad sòlit la sò dimensiòṅ la và da òṅ a déś cm.

• 
  I musć ciamâ Bryum argenteum
• 
  Al musć Polytrichum commune
• 
  Musć atàc a na piànta
• 
  Prim piàṅ dal musć Anomodon viticulosus

Da 'l nòstri bandi al musć a'l s dróa par far al preśèpi.

Culegamènt estéran

• (IT) Al musć su 'l sit dla Treccani