Pacta sunt servanda

Miranduléś

C'l artìcul chè 'l è scrit in Miranduléś

Pacta sunt servanda (literalmènt “i pat a gh'è da rispetàr-i”) l'è na manéra 'd dir latìna ch'a s dróa anc da 'l nòstri bandi p'r indicàr un prinsìpi dimóndi impurtànt dal dirìt sivìl e dal dirìt internasiunàł, ch'a gh'è da tgnir fēd a i pat ch'a s fà, s'a s è di galantóm e minga di buratèṅ o di ciocapiàt, parchè pò a n s pōl minga turnàr indrē esénd al cuntràt firmâ vinculànt, ch'al piàśa o ch'al n piàśa minga. Fra parsòni séri a vâl anc sōl la paròla o na stricàda 'd maṅ.

In Itàglia a gh'è 'n artìcul dal códas sivìl ch'al stablìs ch'al cuntràt fra 'l parti al gh'à la fòrsa dla léǵ e 'l pōl èsar sćiancâ sōl s'a gh'è 'n acòrd fra qvéi ch'i 'l aṅ fat, da tuti dū 'l bandi, s'al và cóntar la léǵ o tgnénd adrē a di mutìṿ stablî da la léǵ cuma 'l dirìt a 'l ripensamènt di cunsumadōr.

Vóś ligàdi

Culegamènt estéran

(EN) Definisiòṅ in sal Wiktionary