Tim Robbins

Miranduléś

C'l artìcul chè 'l è scrit in Miranduléś

Timothy Francis Robbins, cgnusû méj cuma Tim Robbins (West Covina, 16 'd Utóbar dal 1958), 'l è 'n atōr, regìsta e senegiadōr americàṅ, vinsidōr dal Prèmi Òscar in dal 2004 cuma atōr minga prutagunìsta p'r al film Mystic River ad Clint Eastwood.

In dal 1999 'l à dâ la sò vōś a 'n persunàǵ di The Simpsons.

Biugrafia

Fiōl dna famìja catòlica cun di urìgini irlandéśi, Tim al crés in Califòrgna e pò a dód'ś an al taca a recitàr a New York in na cumpagnìa teatràla 'd avanguàrdia ciamàda “Theater for the New City”. In séguit al và a star a Los Angeles in dua 'l taca a studiàr a l'università dla Califòrgna faghénd al camarēr par pagàr-'s i cōrs, laureànd-as pò in dal 1981.

In di an Utànta al taca a tōr part a dal prudusiòṅ televiśìvi, cuma Hardcastle & McCormick e Storie incredibili, e a recitàr in soquànti pelìculi cuma Sacco a pelo a tre piazze, cumèdia ad Rob Reiner, Top Gun, in dua 'l lavóra cun Tom Cruise faghénd la part dal tenènt Wells, e Howard e il destino del mondo, un nàdar trat da 'n fumét dla Marvel Comics.

In dal 1988 cun Bull Durham - Un gioco a tre mani al gh'à 'l sò prim rōl impurtànt a 'l cìnema. Su 'l set al lavóra cun Kevin Costner e la Susan Sarandon ch'la dvènta la sò muróśa, armagnénd sèg par vint-i-òṅ an, in fiṅ a 'l 2009, dand-'g anc dū fiōi masć.

In di an Nuànta al lavóra par tri vòlti in film ad Robert Altman: in dal 1992 cun I protagonisti al vins al prèmi par la sò part da prutagunìsta a 'l 45^śum Fèstival ad Cannes, in dal 1993 cun America oggi, Lèòṅ 'd Òr a 'l 50^śum Fèstival ad Venèsia e in dal 1994 cun Prêt-à-Porter, in dua 'l è òṅ di prutagunìsta 'd un cast ad stéli.

In dal 1992 al fà anc al sò debùt a la regìa cun Bob Roberts, un ducumentàri fals su 'n candidâ pupulìsta e cunservadōr a 'l Senàt di Stat Unî. In dal 1994 'l è prutagunìsta dla pelìcula candidàda a i Prèmi Òscar Le ali della libertà, trata da na stòria 'd Stephen King.

In dal 1995 al gira Dead Man Walking - Condannato a morte, un film trat da na stòria véra su 'n cundanâ a mòrt, cun prutagunìsta la Susan Sarandon, premiàda cun 'n Òscar, e Sean Penn, sōl numinâ.

In dal 2000 Brian De Palma 'l al sarnìs par la part dal cmandànt Woody Blake in Mission to Mars.

Puśisiòṅ pulìtichi

Cuma sustenidōr dal pulìtichi 'd sinìstra, in dal 2000 'l à dâ 'l sò apòǵ a 'l candidâ di vérd Ralph Nader cóntar George W. Bush e Al Gore. In dal 2007 al s è mis da la part dal senadōr demuctàtic dla Carulìna dal Nòrd John Edwards in dla sò cursa a gl'Elesiòṅ presidensiàli dal 2008. Par la campàggna dal 2016, durànt un dascōrs par Bernie Sanders, 'l à mòs dal crìtichi a l'Hillary Clinton. In dal 2023 al s è mis cónt'r a 'l puśisiòṅ dal guèran su 'l COVID-19, esénd lò cuntràri a i bloc.

Filmugrafìa

cuma atōr

1984 - Toy soldiers, regìa ad David Fisher
1984 - Una cotta importante (No Small Affair), regìa ad Jerry Schatzberg
1985 - Sacco a pelo a tre piazze (The Sure Thing), regìa ad Rob Reiner
1985 - Dal college... con furore! (Fraternity Vacation), regìa ad James Frawley
1986 - Top Gun, regìa ad Tony Scott
1986 - Howard e il destino del mondo (Howard the Duck), regìa ad Willard Huyck
1987 - Dentro la grande mela (Five Corners), regìa ad Tony Bill
1988 - Bull Durham - Un gioco a tre mani (Bull Durham), regìa ad Ron Shelton
1988 - Tapeheads - Teste matte (Tapeheads), regìa ad Bill Fishman
1989 - Regina senza corona (Miss Firecracker), regìa ad Thomas Schlamme
1989 - Erik il Vikingo (Erik the Viking), regìa ad Terry Jones
1990 - Allucinazione perversa (Jacob's Ladder), regìa 'd Adrian Lyne
1990 - Cadillac Man, regìa ad Roger Donaldson
1991 - Jungle Fever, regìa ad Spike Lee
1992 - I protagonisti (The Player), regìa ad Robert Altman
1992 - Bob Roberts, regìa ad Tim Robbins
1993 - America oggi (Short Cuts), regìa ad Robert Altman
1994 - Le ali della libertà (The Shawshank Redemption), regìa ad Frank Darabont
1994 - Prêt-à-Porter, regìa ad Robert Altman
1994 - Genio per amore (I.Q.), regìa ad Fred Schepisi
1994 - Mister Hula Hoop (The Hudsucker Proxy), regìa ad Joel e Ethan Coen
1997 - Niente da perdere (Nothing to Lose), regìa ad Steve Oedekerk
1999 - Arlington Road - L'inganno (Arlington Road), regìa ad Mark Pellington
1999 - Austin Powers: La spia che ci provava (Austin Powers: The Spy Who Shagged Me), regìa ad Jay Roach
2000 - Mission to Mars, regìa ad Brian De Palma
2000 - Alta fedeltà (High Fidelity), regìa ad Stephen Frears
2001 - S.Y.N.A.P.S.E. - Pericolo in rete (Antitrust), regìa ad Peter Howitt
2001 - Human Nature, regìa ad Michel Gondry
2002 - The Truth About Charlie, regìa ad Jonathan Demme
2003 - Codice 46 (Code 46), regìa ad Michael Winterbottom
2003 - Mystic River, regìa ad Clint Eastwood
2004 - Anchorman - La leggenda di Ron Burgundy (Anchorman: The legend of Ron Burgundy), regìa 'd Adam McKay - cameo
2005 - La guerra dei mondi (War of the Worlds), regìa ad Steven Spielberg
2005 - La vita segreta delle parole (La Vida secreta de las palabras), regìa dl'Isabel Coixet
2005 - Zathura - Un'avventura spaziale (Zathura: A Space Adventure), regìa ad Jon Favreau
2006 - Catch a Fire, regìa ad Phillip Noyce
2006 - Tenacious D e il destino del rock (Tenacious D in The Pick of Destiny), regìa ad Liam Lynch
2007 - Noise, regìa 'd Henry Bean
2007 - Quando tutto cambia (Then She Found Me), regìa dl'Helen Hunt - Cameo
2008 - The Lucky Ones - Un viaggio inaspettato (The Lucky Ones), regìa ad Neil Burger
2008 - Ember - Il mistero della città di luce (City of Ember), regìa ad Gil Kenan
2011 - Lanterna Verde (Green Lantern), regìa ad Martin Campbell
2012 - Tentazioni (ir)resistibili (Thanks for Sharing), regìa ad Stuart Blumberg
2013 - Life of Crime - Scambio a sorpresa (Life of Crime), regìa ad Daniel Schechter
2014 - Welcome to Me, regìa ad Shira Piven
2015 - Perfect Day (A Perfect Day), regìa ad Fernando León de Aranoa
2017 - Marjorie Prime, regìa ad Michael Almereyda
2019 - Cattive acque (Dark Waters), regìa ad Todd Haynes

Tim Robbins

Biugrafia

Puśisiòṅ pulìtichi

Filmugrafìa

cuma atōr

cuma regìsta

Culegamènt estéran

Àtar prugèt

Wikiwand - on