cover image

Angula rapido

From Wikipedia, the free encyclopedia

En fiziko, la angula rapido estas vektora kvanto (pli detale, pseŭdovektoro) kiu priskribas la rapidon de turnado kaj la orientiĝon de la akso ĉirkaŭ kiu la turnado okazas. La SI-mezurunuo de angula rapido estas radianoj dum sekundo. Ĝi povas esti mezurita ankaŭ en aliaj mezurunuoj, tiaj kiel gradoj en sekundo, gradoj por horo, turnoj en minuto.

Angula rapido priskribas la rapidon de turnado kaj la orientiĝon de la momenta akso ĉirkaŭ kiu la turnado okazas. La direkto de la vektoro de la angula rapido estas laŭ la rotacia akso; en ĉi tiu okazo (laŭhorloĝnadla turnado) la vektoro montras al la vidanto.

Ĝia grando estas la turna rapido. Angula rapido estas kutime prezentita per la simbolo omego (Ωω). La direkto de la vektoro de la angula rapido estas perpendikulara al la ebeno de turnado, en direkto kiu estas kutime precizigita per la regulo de dekstra ŝraŭbo.

Angula rapido estas propraĵo de punkta partiklo kaj propraĵo de solido. La du okazoj estas malsamaj. Se konsideri iun solidon kaj trovi ĝian angulan rapidon, kaj ankaŭ preni iun partiklon de la solido kaj trovi ĝian angulan rapidon, do la rezultoj estos ĝenerale malsamaj. La rezultoj estos la samaj nur se la angulan rapidon de la partiklo konsideri respektive al la plej proksima al la partiklo punkto sur la turnada akso de la solido.