Egiptia Ruĝa Krescento
nacia kriza, katastrofa, ambulanca kaj sango-banka servo en Egiptio From Wikipedia, the free encyclopedia
nacia kriza, katastrofa, ambulanca kaj sango-banka servo en Egiptio From Wikipedia, the free encyclopedia
La societo Egiptia Ruĝa Krescento - arabe الهلال الاحمر المصري, latinliterigite alhilal al'ahmar almisriu - estas organizaĵo de humanitara helpo en Egiptio, kies celo estas provizi nacian krizan, katastrofan, ambulancan kaj sango-bankan servon. La societo membras en la Internacia Federacio de Societoj de Ruĝa Kruco kaj Ruĝa Krescento, internacie kunlaboras tie kun aliaj internaciaj societoj de humanitara helpo kaj precipe kun la aliaj naciaj asocioj de la federacio. Ĝia sidejo estas en Kairo.
| Egiptia Ruĝa Krescento | |
|---|---|
| الهلال الاحمر المصري | |
 | |
| Lando |  Egiptio |
| Tipo | societo de humanitara helpo |
| Celo | nacia kriza, katastrofa, ambulanca kaj sango-banka servo |
| fondinto | ŝejĥoj Mohamed Abdo (1898) kaj Ali Jusef (1911) |
| Fondiĝo | 1898 |
| membro de | Internacia Federacio de Societoj de Ruĝa Kruco kaj Ruĝa Krescento |
| Sidejo | Kairo |
| Interretejo | Oficiala retejo |
La naskiĝo de la Egiptia Ruĝa Kruco estis en aprilo 1898, du jarojn post la armea kampanjo gvidita de britaj komandantoj, sed inkluzivanta milojn de egiptaj soldatoj, kies celo estis ekstermi la revolucion de Muhammad Ahmad en Sudano kaj realigi la la "sudajn landojn" al Egiptio. Tiu milito rezultigis sennombrajn mortojn kaj vundiĝojn. Tiam la registaro decidis helpi la viktimojn kaj la familiojn de la mortintoj, kaj ĉar malfunkciis registare elpagi pensiojn kaj kompensojn, necesis krei apartan neregistaran organizaĵon por organizi la helpon al viktimoj de la milito kaj al vidvinoj kaj orfoj. La imamo ŝejĥo Mohamed Abdo jam antaŭe organizis tian komitaton, kaj en la fonda kunveno de la nacia ruĝa kruco la fonda komitato elektis la imamon prezidanto. Egiptiaj gazetoj subtenis la ideon kaj alvokis doni donacojn al la nova societo. La societo sukcesis pri subteno de la militaj viktimoj, sed poste la publika intereso remalkreskis, kaj baldaŭ la societaj financoj ne sufiĉis por daŭrigi la agadon.[1] Tial nur 13 jarojn pli poste, en oktobro 1911, la societo reviviĝis gvide de ŝejĥo Ali Jusef, posedanto de gazeto kaj gvidanto de politika partio, kun subteno de la Ĥedivo Abbas Helmi la 2-a, la otomana vicreĝo, kaj ties familio. Tiam la armeo de Italio militis en najbara Libio kontraŭ la armeo de la reganta Otomana Imperio, kaj tial la unua granda tasko de la Egiptia Ruĝa Kruco estis helpi al la urbanoj de Tripolo suferintaj pro tiu milito, kaj al la vunditaj soldatoj de la otomana imperio. Ĉar pro la itala armeo ne eblis vojaĝi per nur tri-taga ŝipa vojo al Tripolo, necesis ke la konvojo pene per kameloj devis voji tra la Libia dezerto, kaj venis al sia celo nur post dudek tagoj.[1]
De tiam, la egiptia Ruĝa Kruco konstante pluagadis, kaj organizis karitatajn koncertojn kaj merkatojn por kolekti monsubtenon. Ĝi partoprenis en sanhelpaj misioj eksterlande, aparte en la sudorienteŭropa regiono Balkano. Nur poste kreiĝis reto da filioj en la egiptiaj provincoj, por landvaste starigi medicinan infrastrukturon.[1]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
