Eschenz estas komunumo de la distrikto Frauenfeld (ĝis la 31-a de decembro 2010 de la distrikto Steckborn) en Kantono Turgovio, Svislando. Ĝi havis 1619 loĝantojn je la 31-a de decembro 2007, kiu nombro modeste kreskis al 1647 ĝis la 31-a de decembro 2009.
 |
Por samtitola artikolo vidu la paĝon Eschenz (stacidomo). |
| Eschenz | |
|---|---|
 | |
 | |
| komunumo en Svislando | |
| Kantono | Turgovio |
| Distrikto | Frauenfeld |
| Geografia situo | CH1903: 707291 / 278682 (mapo)47.658.8666666666667 |
|
| |
| Nombro de loĝantoj | 1647 |
| Areo | 12,0 km² |
| Alteco | 412 m super marnivelo |
| Poŝtkodo | 8264 |
| Komunumkodo | 4806 |
 | |
Geografio
Eschenz situas ĉe la suda bordo de la Suba Bodenlago inter Ŝafhaŭzo kaj Konstaco, rekte oriente de la elfluo de Rejno el la lago. La komunumo hodiaŭ kunkreskis kun la najbara urbeto Stein ĉe Rejno.
Najbaraj komunumoj
La komunumo Eschenz limas en nordo aliflanke de la lago al Stein ĉe Rejno (Kantono Ŝafhaŭzo) kaj Öhningen (Baden-Virtembergo-Germanio), en oriento al Mammern, en sudo al Hüttwilen, kaj en okcidento al Wagenhausen.
Trafiko
Eschenz situas ĉe la laga trajnlinio de Svisaj Federaciaj Fervojoj de Ŝafhaŭzo al Kreuzlingen. La stacidomo de Eschenz estas servata per la regionaj trajnlinioj S3 kaj S8 de la turgovia fervojkompanio THURBO AG en duonhora kadenco. La komunumo ankaŭ atingeblas per ŝipo ek de Ŝafhaŭzo kaj Konstanco.
Historio
Prahistorio
La prahistoria setlejo sur la insulo Werd estas dokumentita per multnumbraj elfosaĵoj el la neolitiko. La unuaj setlejoj sur la insulo datiĝas de antaŭ la jaro 4000 antaŭ Kristo. Apartan signifon havas la ora trinkujo de Eschenz, kiu datas proksimume el la jaro 2000 antaŭ Kristo kaj estis trovita en la jaro 1908 sur la insulo.
Romia epoko
En la romia epoko en la suba parto de Eschenz sude de la rejnponto estiĝis en la 1-a jarcento antaŭ Kristo la romia vilaĝo kun la latina nomo Vicus Tasgetium, kiu atingis sian plej floran periodon en la 2-a kaj 3-a jarcento post Kristo. Okcidente de la setlejo situis la romia kastelo Burg sur la teritorio de la hodiaŭ komunumo Stein ĉe Rejno.
Mezepoko
En la jaro 759 la fondinto de la Monaĥejo Sankt-Galo, nome Sankta Otmaro, pasigis la lastajn monatojn de sia vivo sur la insulo Werd en Eschenz kaj mortis tie. En la jaro 958 la imperiestro Otto la 1-a donacis la preĝejon de Eschenz al la Monaĥejo Einsiedeln sub kies jurisdikcio la loko restis ĝis la Helveta Revolucio en la jaro 1798.
Vidu ankaŭ
Eksteraj ligiloj
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
