Honkongo

Honkongo aŭ Hongkongo[1] (ĉine 香港; kantona jutpinga: Hoeng gong; hanju-pinjine: Xiānggǎng; angle Hong Kong) estas aŭtonoma teritorio, kaj kun Makao unu el la du specialaj administraj regionoj (speco de provinc-nivela divido) de la Ĉina Popola Respubliko. Kiel Makao, ĝi situas ĉe la suda marbordo de Ĉinio ĉe la Perlorivera delto kaj limas al Kantonio kaj la Sudĉina Maro.[2] Honkongo estas konata pro sia urba konturpejzaĝo kaj profunda natura haveno.[3] Ĝi havas terareon de 1104 km² kaj kunhavas sian nordan limon kun Gŭangdonga Provinco de Kontinenta Ĉinio. Kun ĉirkaŭ 7.2 milionoj da loĝantoj de variaj ŝtatanecoj, Honkongo estas unu el la plej dense loĝataj metropoloj. La identeco de Honkonganoj povas esti de ajna nacieco, Ĉinoj, Britoj, aŭ aliaj. Persono kiu ne estas de ĉina nacieco kaj estas enirinta en Honkongon kun valida veturdokumento, kaj ordinare estas loĝinta en Honkongo dum kontinua periodo de ne malpli ol 7 jaroj kaj prenis Honkongon kiel sian lokon de permanenta loĝado estas laŭleĝe agnoskita kiel Honkongano.[4]

Ĉiela pejzaĵo de urbocentro Konkongo dum nokte malantaŭ viktoria haveno

Quick facts: Honkongo, ĉine 香港, pinjine Xiānggǎng, a... ▼

Honkongo
ĉine 香港, pinjine: Xiānggǎng, angle Hong Kong
Speciala Administra Regiono de Hongkongo angle Hong Kong Special Administrative Region of the People's Republic of China
Fotomontaĵo
Flago	Blazono
Oficiala nomo: 中華人民共和國香港特別行政區
Etimologio: 香 xiāng – bonodora 港 gǎng – haveno
Lando	Ĉinio
Historiaj regionoj	4 - Dinastio Song - Dinastio Yuan - Dinastio Qing - Britio Brita Orienthinda Kompanio
Parto	Honkonga Insulo
Urbo	Kaŭluno
Maro	Sudĉina Maro
Situo	Honkongo
- alteco	7 m [+]
Ĉefurbo	Viktorio (laŭfakta)
- koordinatoj	22° N, 114° O (mapo)22.278333333333114.15861111111
Plej alta punkto	Tai Mo Shan [+]
Areo	1 104 km² (110 400 ha)
Loĝantaro	7 061 200 (2010)
Denseco	6 396,01 loĝ./km²
Estiĝo	29-a de aŭgusto 1842
Urbestro	Carrie Lam
Horzono	HKT (UTC+8)
Poŝtkodo	sen valoro [+]
Telefona antaŭkodo	+852
IHD	0.898 — tre alta
Landokodo	HK
ISO 3166-2	CN-91
Interreta domajno	.hk
Etnoj	ĉinoj (ne specifita)– 95 % filipinoj – 1,6 % indonezoj – 1,3 % eŭropanoj – 0,5 % aliaj etnoj–1,6 %
Monunuo	Honkonga dolaro
MEP	US$ 325,755 miliardoj
Lingvoj	kantona, angla
DEC
DEC
Mapo de la urbocentro
Vikimedia Komunejo:  Hong Kong
Retpaĝaro: www.gov.hk
v • d • r

Honkongo estas ekskolonio de Britio, sub kies regado ĝi estis de 1841 ĝis 1997, kiam ĝi transdoniĝis al Ĉinio. La interkonsento de la transdono kondiĉis, ke Honkongo daŭre havu aŭtonomecon pri internaj aferoj intertempe. Dum la brita periodo Honkongo fariĝis, kaj restis, unu el la plej gravaj financaj centroj en la mondo.