From Wikipedia, the free encyclopedia
Komisaro Jules MAIGRET, estas fikcia komisaro de la franca kriminala polico kreita de Georges Simenon, kiu estis la protagonisto de 78 romanoj kaj 28 rakontoj, verkitaj inter 1929 kaj 1972, kvankam la unua romano Pietr-le-Letton estis verkita en Delfzijl Nederlando kaj publikigita nur en 1931.
| Maigret | |
|---|---|
 | |
| fikcia homo | |
| Kreita de | Georges Simenon |
| Verko | Maigret Maigret Loses His Temper |
| Rolita de | Albert Préjean, Rowan Atkinson, Jean Gabin, Jean Richard, Bruno Cremer, Harry Baur, Gino Cervi |
| Informoj | |
| Sekso | vira |
| Nacieco | Francio |
| Okupo | policisto • criminalist |
Lia unua romano Pietr-le-Letton estis vicigita en la 84-a rango en la listo de La 100 libroj de la 20-a jarcento laŭ Le Monde.
La rakontoj pri la Komisaro Maigret okazas inter la 1930-aj kaj 1960-aj jaroj. Maigret rakontoj estis adaptitaj por radio kaj televido. Aktorita de tiuj aktoroj
Laŭ tio, kion oni povas ekscii el la verkaro, li naskiĝis en 1887 en la fikcia urbo de Saint-Fiacre en la departemento Allier en la regiono Aŭvernjo. En 1907 Maigret komencis medicinajn studojn en Nantes, sed li forlasis ilin la sekvan jaron kaj transloĝiĝis al Parizo kie li komencis eklabori en polico. En 1913 li edziĝis kun sia nemalhavebla edzino Louise Leonard, irante loĝi en apartamento de Bulvardo Richard-Lenoir, kiun ili ne forlasis ĝis la emeritiĝo de la Komisaro.
Komisaro Jules Maigret estas impona, larĝaŝultra kaj kolera viro, kiu fokusas en sia detektiva laboro. Lia esplordemandadotekniko baziĝas sur komprenado de la personecoj de la ĉeffiguroj en la esplordemandado kaj liaj instinktoj. La komisaro laboras por la pariza polico, kaj tial la plej granda parto de lia laboro estas en Parizo kaj ĝia ĉirkaŭaĵo, sed la aŭtoro ofte sendas lin al operacioj ekster Parizo, kaj eĉ ekster Francio.
En 1913 li solvis sian unuan gravan kazon rakontitan en La Première Enquête de Maigret, kiam li estis modesta helpanto en kvartala policejo, kio havigis al li postenon en Kriminala Polico, de kie en 1928 li atingis rangon de Ĉef-komisaro, posteno kiun li okupis, post kiam li plurfoje rezignis la eblecon altiĝi al direktoro de Kriminala Polico, ĝis lia emeritiĝo en 1956, en lia 69-a jaraĝo. Dum la emeritiĝo, Maigret retiriĝis al kampara domo, kiun li aĉetis en 1953, kie li ofte trapasis semajn-finojn, en Meung-sur-Loire en la departemento Loiret en la regiono Centro. Tamen eĉ dum sia retiriĝo Maigret daŭre okaze okupiĝis solvi kazojn kiuj prezentiĝis al li interesaj.
Lia kutima maniero solvi kazojn kiuj prezentiĝis al Maigret estas "eniĝi en la vivojn" de tiuj personoj kiuj estas en la ĉirkaŭaĵo de la okazintaĵo. Li solvas siajn kazojn pere de kompreno de la viv-manieroj de siaj pridemanditoj, pensante, manĝante, vivante kiel ili. Tra komisaro Maigret, Simenon ja rakontas policajn historiojn, tamen antaŭ ĉio li rakontas al ni aferojn de personoj, popoloj kaj urboj, etajn historiojn kiuj transiras lokajn aferojn por trakti universalajn temojn.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
