Mazaro

La Mazaro [mazaro] estas rivero en okcidenta Sicilio, en Italio. Ĝi longas 30 kilometrojn, ekde la fontoj de Rapicaldo (en la komunumo Salemi) ĝis sia enfluo en la Mediteranea Maro, ĉe la grava havenurbo Mazara del Vallo.

Ĉi tiu artikolo temas pri rivero en Sicilio. Por informoj pri la similnoma sicilia urbo, vidu la artikolon Mazara del Vallo.

Mazaro
La rivero Mazaro en la mezo de la urbo Mazara del Vallo, proksime al sia enmarejo.
rivero • marborda rivero
Bazaj informoj
Situo	Okcidenta Sicilio, Italio
Longeco	30 km
Fluo
Fonto	Rapicaldo (en la komunumo Salemi)
Enfluejo	Mediteranea Maro
Geografio
Trairataj urboj	Mazara del Vallo
v • d • r

Ĉe ĝia enmarejo oni malkovris praan fenican komercejon, aktiva inter la 6-a kaj la 4-a jarcento a.K..

Ĝin karakterizas, dum kelkaj partoj de la jaro, veterscienca fenomeno nomata vetercunamo (itale marrobbio), kiu konsistas el rapida kaj neatendita ŝanĝiĝo de la akvonivelo, eĉ je unu metro je kelkaj minutoj, plej verŝajne pro ŝanĝo en la direkto de la ventoj kaj tuja enfluo de akvo el la maro.

Ĝia enmarejo estas la kanala haveno de Mazara del Vallo, en kiu estas la grava urba fiŝkaptŝiparo.

• Kategorio Mazaro en la Vikimedia Komunejo (Multrimedaj datumoj)