Ŝpinilo

Ŝpinilo (angle: distaff, germane: Rocken) estas nomo de historia helpa ilo uzata al manŝpinado.

Ŝpinistino kun ŝpinilo kaj spindelo (oleopentraĵo el la jaro 1873)

Ŝovelila ŝpinilo

Tio estas stango kun pinta finigo de diversa formo (forko, pinglo, ŝovelilo), sur kiu oni pendigis tufon de fadena materialo (ŝafa lano, lino, kanabo). La ŝpinilo estis fiksita sur starigilo aŭ la ŝpinistino tenis ĝin subbrake, inter la genuoj kaj simile, dum ŝi tordis per la fingroj tufojn de la fadenoj forprenataj el la ŝpinilo.

Ŝpinilo en literaturo

En metafora senco la ŝpinilo signifas virinan parton de la familio. En la historia literaturo oni uzas diraĵon "formorti post ŝpinilo", kiu priskribas precipe en nobelaj familioj staton post la morto de la lasta virina ido. Simila parolturno, kiam temas pri la morto de la lasta vira ido, estas uzata parolturno "formorti post glavo".

• Kategorio Ŝpinilo en la Vikimedia Komunejo (Multrimedaj datumoj)