Akantodulo
From Wikipedia, the free encyclopedia
Remove ads
Akantoduloj (latine Acanthodii, olda varianto — Acanthodei) estas formortinta klaso de fiŝoj, kiuj havis ecojn de ambaŭ (sub)klasoj de ostaj fiŝoj - kaj Sarkopterigoj, kaj Aktinopterigoj. Ili ekzistis ekde malfrua silurio (antaŭ ĉ. 430 milionoj da jaroj) ĝis frua permio (ĉ. 250 milionoj da jaroj). Plej probable ili ne estis tre aktivaj naĝantoj kaj manĝis planktonon.
La plej malnova trovita en fosilioj akantodulo estis mara besto, sed dum devonio pli kaj pli da akantoduloj komencis vivi en nesala akvo. Akantoduloj eble estis unuaj Makzeluloj kaj havis sufiĉe fortan vertebraron, kiu helpis al ili naĝi. La klaso de akantoduloj enhavas tri ordojn: la Klimatioformaj, Iŝnakantioformaj kaj Akantodoformaj. Klimatioformaj estas karakterizataj per aldonaj protektaj ostoj apud vertebraro (estas versio, ke el ili evoluis karapaco de plakodermoj) kaj akantodoformaj havas longajn brankajn eĝojn. La iŝnakantioformaj estas la unuaj bestoj, kiuj havis dentojn, kvankam ĉe ili estis ne veraj dentoj, sed simple akraj elkreskaĵoj de makzelaj ostoj. Ĉiuj akantoduloj havis plakoidajn skvamojn, el kiuj evoluis veraj dentoj de postaj vertebruloj.
Remove ads
Literaturo
- Основы палеонтологии. Бесчелюстные, рыбы. М., 1964. (ruse)
Vidu ankaŭ
Wikiwand - on
Seamless Wikipedia browsing. On steroids.
Remove ads