Biomaso (ekologio)

Biomaso estas pesita kvanto da vivanta materio (do da vivantaj estaĵoj, ĉu vegetalaj, ĉu animalaj), kiu povas esti ekspluatata kiel renovigebla energi-fonto (vidu Biomaso (ekonomio)). Ĝi estas grava bazo de studo de la ekologia funkciado de biocenozo.

Kriloj formas unu el la plej grandaj biomasoj de iu ajn individua bestospecio.

Ekzemple, unu hektaro da eŭropec-klimata grundo ekologie sana entenas proksimume:

• 1000 ĝis 7000 kilogramojn da bakterio
• 100 ĝis 1000 kg da fungoj
• 10 ĝis 30 kg da algo
• 5 ĝis 10 kg da protozooj
• 1000 kg da artropodoj
• 350 ĝis 1000 kg da tervermoj (lumbrikoj)

ktp.

Sur la tero la plantoj prezentas la plej grandan parton de biomaso, kaj la resto devenas de la bestoj. En la maroj tio estas kontraŭe, tie la fiŝoj kaj aliaj bestoj formas la majoritaton de la biomaso ^[1].