Brazila Esperanto-Ligo

Brazila Esperanto-Ligo (BEL), komence Brazila Ligo Esperantista, estis fondita la 21-an de julio 1907^[1] kaj agnoskita kiel "utila por la nacia publiko" la 21-an de oktobro 1921. Ĝi kunordigas la Esperanto-movadon en Brazilo. La Ligo disponas pri vikiopaĝo por kunredaktado de la historio de la Esperanto-movado en Brazilo.^[2]

Brazila Esperanto-Ligo
landa asocio de UEA Esperanto-eldonejo
Komenco	21-a de julio 1907 vd
Lando(j)	Brazilo vd
Retejo	Oficiala retejo
v • d • r

Enirpordo de Brazila Esperanto-Ligo

Koridoro al la enirporto de Brazila Esperanto-Ligo

Centra parto de Braziljo, vidata tra fenestro de Brazila Esperanto-Ligo.

Agado

Interalie Brazila Esperanto-Ligo:

• Eldonas la revuon Brazila Esperantisto
• Havas librovendejon kun verkoj en kaj pri Esperanto^[3]
• Havas bibliotekon;
• Organizas korespondajn kursojn;
• Peras abonojn de Esperanto-gazetoj
• Okazigas ĉiujare Brazilan Kongreson de Esperanto

Estraro

mandato 2022-2025:^[4]

• prezidanto: Querino Neto
• vicprezidanto: Izabel Andrade
• financa direktoro: Emerson dos Santos
• kasisto: Livio Lima
• 1-a sekretario: Fábio Santos
• 2-a sekretario: Léia Maia
• 3-a sekretario: Leandro Abrahão (vikipediano)

mandato 2019-2022:

• prezidanto: Evandro F. de Avellar
• vicprezidanto: Querino Neto (José Querino de Macedo Neto)
• financa direktoro: Fernando Maia Jr. (vikipediano)
• kasisto: Sônia Maria Alves Lucio
• 1-a sekretario: Rodrigo Tavares P. de Medeiros
• 2-a sekretario: Leandro Oliveira Freitas
• 3-a sekretario: Márcia Maria Cunha de Avellar

mandato 2016–2018:^[5]

• prezidanto: Evandro F. de Avellar
• vicprezidanto: Euripedes A. Barbosa
• financa direktoro: Fernando Maia Jr.
• kasisto (trezoristo): Cleto Galvão da Silva (mortis)
• 1-a sekretario: Emilio Carlos Vaz Cid
• 2-a sekretario: Josias F. Barboza (KKS)
• 3-a sekretario: Darci Sardinha

Informiloj

• Brazila Esperantisto, la organo de la Brazila Esperanto-Ligo, fondita en 1907 samkiel la asocio mem
• BEL Informas estis monata informa bulteno de Brazila Esperanto-Ligo de januaro 1983. Ĝia "unua epoko" estis de 1983 ĝis 1985 papere. Nuntempe ĝi estas en ĝia "dua epoko" ekde julio 2007 rete.^[6]