Cirkla sektoro

En geometrio, cirkla sektoro estas parto de disko (ebena figuro limigita per cirklo) inter du ĝiaj radiusaj rektaj strekoj kaj ĝia arko.

Ĉi tiu artikolo temas pri ebena figuro limigita per cirkla arko kaj du rektaj linioj. Koncerne aliajn signifojn aliru la apartigilon Sektoro.

Cirkla sektoro (verda)

Estu θ la centra angulo de sektoro en radianoj, kaj estu r la radiuso. La areo A de la sektoro povas esti ricevita per multipliko de areo de la tuta cirklo per la rilatumo de la angulo θ al angulo de plena cirklo 2π, ĉar la areo de la sektoro estas proporcia al la angulo. Kun tio ke areo de la tuta cirklo estas πr² rezultiĝas:

${\displaystyle A=\pi r^{2}\cdot {\frac {\theta }{2\pi }}={\frac {1}{2}}r^{2}\theta }$

Ankaŭ, se θ_g estas la centra angulo en gradoj, do

${\displaystyle A=\pi r^{2}\cdot {\frac {\theta _{g}}{360}}}$

La longo de arko L de sektoro estas donita per formulo

${\displaystyle L=r\theta ={\frac {r\pi \theta _{g}}{180}}}$

La longo de perimetro de sektoro konsistas el longoj de la arko kaj de la du radiusaj strekoj kaj egalas al

${\displaystyle r(2+\theta )=r(2+{\frac {\pi \theta _{g}}{180}})}$

Specifaj okazoj de sektoro estas duono de disko, kvadranto (kvarono de disko), oktanto (okono de disko).

Vidu ankaŭ

• Cirkla sektoro en la Vikimedia Komunejo (Multrimedaj datumoj)
• Kategorio Cirkla sektoro en la Vikimedia Komunejo (Multrimedaj datumoj)

• Cirkla segmento - parto de cirklo fortranĉita per rekto
• Arko (geometrio)
• Cirklo
• Disko (matematiko)
• Ĥordo (geometrio)
• Luno (geometrio)

Eksteraj ligiloj

• Difino kaj propraĵoj de cirkla sektoro Kun interaga animacio
• Cirkla sektoro je MathWorld