Den Oever

Den Oever estas malgranda vilaĝo 18 kilometrojn oriente de la urbo Den Helder en la provinco Norda Holando de Nederlando. La vilaĝo situas rekte ĉe la sudokcidenta finaĵo de la fermdigo, kiu transformis la maran golfon Ijsselmeer al granda lago. Den Oever estas parto de la komunumo Wieringen sur samnoma eksa insulo Wieringen en la nordoriento de la provinco Norda Holando. En 2006 en la vilaĝo vivis proksimume 2500 homoj.

la eksa historia kapelo de Den Oever, nun en la subĉiela muzeo Zuiderzeemuseum en Enkhuizen

haveno de Den Oever

Den Oever
vilaĝo loĝloko en Nederlando vd
Administrado
Poŝtkodo	1779
Demografio
Geografio
Geografia situo	52° 56′ N, 5° 2′ O (mapo)52.93425.0294 [+]
Horzono	UTC+01:00 [+]
Den Oever (Nord-Holando) DEC Situo de Den Oever
Alia projekto
Vikimedia Komunejo Den Oever [+]
v • d • r

situo

Vidindaj en Den Oever estas la haveno, en 1960 restaŭrita, okangula historia ligna ventomuelejo De Hoop el la jaro 1654, pluraj historiaj bienejoj kaj ekde la jaro 2004 la "vikinga informa centro" „Vikinginformatiecentrum“ (VIC), malgranda muzeo kiu anstataŭis la antaŭan "domon de la tero" (Het Huis van de Aarde) kaj celas informi pri la epoko kiam la vikingoj deponis siajn arĝentajn trezorojn sur la insulo. La eksa historia kapelo kun ligita gastejo de la loĝloko nun situas en la ĉubĉiela muzeo Zuiderzeemuseum en Enkhuizen.