Holokaŭsta Memora Sinagogo
arkitektura strukturo From Wikipedia, the free encyclopedia
Remove ads
La Holokaŭsta Memora Sinagogo (ruse Московская Мемориальная синагога; hebree בית הכנסת לזכר השואה, Bejt Hakneset LeZeĥer HaŜoa) estas ortodoksjuda kongregacio, sinagogo kaj Holokaŭsta muzeo, trovita ĉe 53 Avenuo Kutuzovskij, sur Monteto Poklonnaja en Moskvo, Rusio [1].
Ĝi estis konstruita en 1998 por kompletigi rusan Ortodoksan preĝejon kaj moskeon kiuj estas ankaŭ parto de la subĉiela muzeo dediĉita al la venko de Rusio en la Dua Mondmilito.
Remove ads
Dediĉo kaj ekspozicioj
_5.jpg)
La sinagogo estas la sola tia en la Rusa Federacio. La konstanta ekspozicio en la konstruaĵo montras ĉiutagajn objektojn el la juda vivo, kelkaj el kiuj devenas de la tempo de la unuaj judoj en Rusio, kaj tiel atestas la judan kontribuon al la kultura kaj ekonomia evoluo de Rusio. La tragedia flanko de juda historio ankaŭ estas parto de la ekspozicio, kaj ĝi ne temas nur pri la holokaŭsto : En antaŭrevolucia Rusio, pli ol 400 leĝoj kaj regularoj estis en forto, kiuj limigis la rajtojn de judoj, precipe en la lokoj de laboro, setlejo, kulturo, edukado kaj la praktiko de religiaj tradicioj. Signifa parto de la ekspozicio estas dediĉita al la historio de la holokaŭsto. Eksponiĝas ĉefe objektoj kaj dokumentoj, kiuj atestas pri la nacisocialisma okupado kaj la sorto de la getoloĝantoj kaj de la koncentrejoj. Krome, la historio de la judaj partizanoj kaj la judaj herooj de Sovetonio estas dokumentita en la sinagogo.
Aparta sekcio de la ekspozicio estas dediĉita al tiuj rusoj, ukrainoj kaj belorusoj kiuj helpis judojn en la okupitaj teritorioj (kaj poste estis honoritaj kiel Justuloj inter la nacioj).
La Memora Sinagoga Muzeo aranĝas ekskursojn, prelegojn kaj filmprojekciojn pri la vivo de judoj en Rusio kaj la holokaŭsto. Krom dokumentado de juda historio en Rusio, la eksplicita celo estas antaŭenigi toleremon kaj konscion pri historio. En ĉi tiu areo estas proksima kunlaboro kun la Rusa Esplora kaj Eduka Centro "Holokaŭsto".
Remove ads
Referencoj
Eksteraj ligiloj
Wikiwand - on
Seamless Wikipedia browsing. On steroids.
Remove ads