IJK 1992

La 48-a Internacia Junulara Kongreso (IJK) de TEJO okazis inter la 2-a kaj 9-a de aŭgusto 1992 en la urbo Montrealo de Kanado. La kongreson partoprenis 104 junaj esperantistoj - grandparte studentoj, lernejanoj kaj junaj laboristoj sub 30 jaroj.

statuo de Paul Chomedey de Maisonneuve antaŭ la altlerneja kongresejo

IJK 1992
Loko	Montrealo,  Kanado
Ekde	2-a de aŭgusto 1992
Ĝis	9-a de aŭgusto 1992
← Antaŭa	Sekva →
v • d • r

la urbocentro de Montrealo

La kongreso estis la unua de TEJO en Nord-Ameriko, kaj la dato estis pripense elektita: la IJK memoris pri la malkovro de Ameriko fare de eŭropanoj en la fama vojaĝo de Kristoforo Kolumbo 500 jarojn antaŭe, kaj ankaŭ pri la fondo de la urbo Montrealo, la plej granda urbo de la franclingva kanada regiono Kebekio, antaŭ 350 jaroj.

kongresa libro

Kiel en aliaj junularaj Esperanto-kongresoj, okazis variaj prelegoj kaj diskutrondoj pri la kongresa temo "libertempado", kulturaj eventoj kaj organizaj kunvenoj de TEJO, interalie de ties komitato. La kongresejo estis la College de Maisonneuve, proksime al la olimpia stadiono - moderna kaj klimatizita altlernejo kun sportaj ebloj.

Vidu ankaŭ

• UK 1992

Ĉi tiu artikolo ankoraŭ estas ĝermo pri Esperanto-kongreso. Helpu al Vikipedio plilongigi ĝin. Se jam ekzistas alilingva samtema artikolo pli disvolvita, traduku kaj aldonu el ĝi (menciante la fonton).