Infektologio

Infektologio estas la scienco pri la esploroj de homaj infektaj malsanoj. Temas pri subspecialiĝo de medicino - precipe homa medicino, sed sendepende de tio ankaŭ de bestomedicino. Infektologo do estas kuracisto faka pri infektologio.

Homa infektologio estas interfaka scienco en la kampoj de biologio kaj medicino, kiu okupiĝas pri la studo, preventado kaj kuracado de virusaj, bakteriaj, mikozaj kaj protozoaj infektoj en homoj.

Baza esplorado estas farata en infekta biologio (bakteriologio, virusologio, parazitologio kaj imunologio), en klinika infektologio kaj en epidemiologio.

Medicina Infektologio

radiografia bildo de la brusto: 37-jaraĝa viro kun pulminflamo

La eksterhospitala kaj hospitala prizorgo de pacientoj kun infektaj malsanoj estas provizita en medicina infektologio. En kazoj de infektoj per tre kontaĝaj patogenaj, do aparte malsanigaj infektaj agentoj, pacientoj estas traktataj en specialaj izolejaj sekcioj.

Klinike signifaj infektaj malsanoj (selektado)

• Pneŭmonio
• HIV/Aidoso
• Diareo malsanoj
• Tuberkulozo
• Meningito
• Hepatito
• Malario
• Virusa hemoragia febro
• Boreliozo Lyme

Vidu ankaŭ

• Kategorio Infektologio en la Vikimedia Komunejo (Multrimedaj datumoj)
• Infektologio en ReVo

• kategorio:Infektologio

Bonvolu atenti la konsilon rilate al artikoloj pri medicinaj temoj!