Körmend

Körmend - jen hungare, germane Kirment - estas urbo en Hungario, en la regiono Okcidenta Transdanubio, en departemento Vas kaj en la distrikto Körmend, kies centro ĝi estas.

Urbodomo de Körmend

Körmend
Hungaria urbo (1978–) vd
Flago	Blazono
Administrado
Ĝemelurboj Pivdeno (2014–) Fürstenfeld Heinävesi Murska Sobota vd
Poŝtkodo	9900
En TTT	Oficiala retejo [+]
Demografio
Loĝantaro	10 177  (2024) [+]
Loĝdenso	193 loĝ./km²
Geografio
Geografia situo	47° 1′ N, 16° 36′ O (mapo)47.0109616.60596 [+]
Areo	52,79 km² (5 279 ha) [+]
Horzono	Mezeŭropa tempo [+]
Körmend (Hungario) DEC Situo de Körmend
Alia projekto
Vikimedia Komunejo Körmend [+]
v • d • r

Geografio

Körmend situas sur ebenaĵo laŭ rivero Rába.

Historio

Tiu loko estis trapasejo tra Rába jam dum la Romia Imperio. Post alveno de hungaroj la regiono ofte estis reĝa bieno kun fortikaĵo.

En la 16-a jarcento Rába iĝis fronto inter aŭstro-hungaroj kaj turkoj, sed ĉi tie ne estis grandaj bataloj, nur en 1664 la turkoj ne povis trapasi la riveron. Ekde 1610 la regiono apartenis al familio Batthyány (batjani). Dume la fortikaĵo iĝis palaco, kiun ofte oni rekonstruis. Post la palaco estas parko kun maloftaj kreskaĵoj.

En 1992 László Batthyány-Strattmann iĝis beata. Li estis kuracisto, doktoro de la malriĉuloj. Krom tio la loka vira basketbala teamo havas tutlandan renomon. Ili ofte estis la unuaj en la landa ĉampionado.

Vidindaĵoj

• Burgo de Körmend
• Preĝejo Elizabeto de Hungario (Körmend)
• Preĝejo Sankta Spirito (Körmend)
• Kalvinana preĝejo (Körmend)
• Luterana preĝejo (Körmend)

Luterana preĝejo de Körmend

Famuloj

• En Körmend naskiĝis:
  • bankisto Imre Tarafás
  • bibliotekisto István Csahók
  • dirigento Henrik Benkő
  • instruistoj Antal Frim kaj Jakab Frim
  • metalurgo István Artinger
  • ministro Antal Rogán
  • Mária Németh (operkantisto)
  • Lajos Molnár (ornitologo)
  • poeto József Vida
  • politikisto Tibor Bana.
• En Körmend mortis:
  • aristokrato Ödön Batthyány-Strattmann
  • episkopo Vilmos Batthyány.

Famaj nomportantoj

• János Körmendi, aktoro
• Jenő Körmendi-Frim, skulptisto
• Vilmos Körmendi, muzikisto
• Adrienne Körmendy, historiisto
• Ágoston Körmendy, maŝininĝeniero
• János Körmendy, aktoro
• Nándor Körmendy, arkitekto