Leopold Berger

Leopold BERGER (naskita la 9-an de marto 1887 en Vrchoslav – mortis la 10-an de aŭgusto 1954 en Prachatice) estis ĉeĥa ĥemia inĝeniero, aktivanta en Potštejn.

Leopold Berger
Persona informo
Naskiĝo	9-an de marto 1887 (1887-03-09) en Vrchoslav
Morto	10-an de aŭgusto 1954 (1954-08-10) (67-jaraĝa) en Prachatice
Lingvoj	Esperanto • ĉeĥa
Ŝtataneco	Ĉeĥoslovakio
Okupo
Okupo	esperantisto
v • d • r

Li estis esperantisto ekde 1908 kaj agis kiel funkciulo de diverslokaj kluboj. Li fondis Boheman Esperanto-Servon kaj eldonis BES-an Adresaron. Li eldonis jarkolektojn de propagandaj gazetoj kaj verkis Ĉeĥa-Esperanto Vortareton, aperintan en 1930 (en la vortaro erare indikita 1929), 2a eld. 1930, 96 + 2 paĝoj.

Verkoj

• BES-adresaro de l' esperantistoj el ĉiuj landoj (1919, 1920, 1921, 1922-1923, 1924, 1927, 1928, 1929, 1931, 1932, 1934, 1935-1936, 1937, 1939)
• Česko-esperantský slovníček (1929, 1930)

Gazetoj

• Interŝanĝa bulteno (Tauschbulletin), eldonata de UEA, redaktas Lepold Berger
• Esperantský svět (Esperanto-mondo) estis ĉeĥlingva propaganda gazeto (kvin kajeroj inter oktobro 1928 kaj decembro 1929)
• Kalejdoskopo de l' vivo (organo de Bohema Esperanto-Servo, kvar kajeroj en 1930)

Fontoj

• Enciklopedio de Esperanto (p. 48)
• Stanislav Kamaryt: Historio de la Esperanto-movado en Ĉeĥoslavakio (p. 58, 60, 73, 74, 98, 105, 191, 192, 238)

Eksteraj ligiloj

Libroj^{[rompita ligilo]} de Leopold Berger en la Kolekto por Planlingvoj kaj Esperantomuzeo Arkivigite je 2007-12-21 per la retarkivo Wayback Machine

Ĉi tiu artikolo baziĝas (parte aŭ tute) sur artikolo el la Enciklopedio de Esperanto. La originala teksto kontroleblas en interreta arkivo de la fonto.